SAN MATEO 24:27 - Dios Rimashcata Quillcashcami

²⁷ Chaica, Runa Tucungapac shamushca ñuca cutimuna punzhaca, inti llucshic ladomanta, inti tigrana ladocaman relampa achicyachic shinami canga.

Nuevo Testamento en Quichua Cañar 1996

²⁷ Ashtahuanpish Runa Tucungapac shamushca*f** ñuca cutimuna punzhapica, relampa jaguin nic shina, inti llucshic ladomanta, inti tigrana ladocaman achicyachic shinami ñuca shamucucta maimantapish ricungacuna.

SAN MATEO 24:27 ပူးပေါင်းရင်းမြစ်များ

JOB 37:3

Jahua pacha ucutami relampata cacharin. Chai achic nishcaca tucui cai pachatami achicyachin.

JOB 38:35

¿Canchu relampacunataca maimanpish richun mandangui? ¿Cantachu chai relampacunaca: “¡Caipimi canchic!” ningacuna?

ISAÍAS 30:30

Mandac Diosca sinchita rimashcatami uyachinga. Jatun poderyuc paipac rigratapish urai ricuchingami. Manchana paipac piñarishca ñahuihuanpish, tucuchic ninahuanpish, sinchi huaira tamyahuanpish, jatun rumi shina, runduhuanpish tucuchingami.

EZEQUIEL 1:14

Causaita chariccunaca relampa shinami, caiman chaiman volashpa puricurca.

ZACARÍAS 9:14

Mandac Diosmi paicunapac jahuapi ricuringa. Paipac flechaca relampa shinami llucshinga. Mandac Diosmi cornetapi tocashpa, ura lado acapana huaira chaupipi shamunga.

MALAQUÍAS 3:2

Pai shamucpica, ¿pitac ricuri pudingayari? Pai ricuricpica, ¿pitac paipac ñaupapi shayari pudingayari? Paica chuyayachic nina shina, tacshana lejía shinami.

MALAQUÍAS 4:5

Mandac Dios ñuca shamuna punzha, jatun mancharina punzha manarac shamucpimi, ñuca ima nishcata huillac Eliastaca cachani.

SAN MATEO 16:27

Ashtahuanpish Runa Tucungapac shamushca ñucaca, ñuca Taitapac sumaimana achic nicuc-huan, paipac angelcunahuan cutimushpaca, tucuimanmi imata ruhuashca shina cusha.

SAN MATEO 16:28

Runa Tucungapac shamushca ñuca mandacucta ricungacamanmi, maijan caipi caccunaca manarac huañunguichic. Chaica chashnatacmi canga— nirca.

SAN MATEO 24:26

Maijan: “Riquichic, Cristoca shitashca pambapimi” nicpipish, ama cringuichicchu. Mana cashpaca: “Cristoca caipimi miticushca tiyacun” nicpipish, ama cringuichicchu.

SAN MATEO 24:3

Olivos urcupi Jesús tiyaricpi, yachacuccuna cuchuyashpaca: —¿Ima punzhatac can huillashcaca pactangayari? Can shamunatapish, cai pacha tucurinatapish, ¿imata ricushpatac yachashunyari?— nishpa, tapurcacuna.

SAN MATEO 24:37

Ima shinami Noé causai punzhacunapi tucurca, chashnallatacmi Runa Tucungapac shamushca ñuca cutimuna punzhapish canga.

SAN MATEO 24:39

Chashnami mana entendishpa, yacu juizhu tucui paicunata tapangacaman causarca. Chashnallatacmi Runa Tucungapac shamushca ñuca cutimuna punzhapipish canga.

SAN MATEO 24:44

Runa Tucungapac shamushca ñucaca, cancuna mana yuyashca horasmi chayamusha. Chaimanta allichirishpa shuyacuichic.

SAN MATEO 8:20

Chashna nicpimi Jesusca: —Atuccunapish machaita charinmi. Volac animalcunapish cuzhata charinmi. Ashtahuanpish Runa Tucungapac shamushca ñucaca, maipi umata samachinallatapish mana charinichu— nirca.

SANTIAGO 5:8

Apunchic Jesucristo cutimuna ña pungullapi cashcamantaca, cancunapish chai shinallatac mana piñarishpa sinchita caticuichiclla.

2 PEDRO 3:4

«Apunchic Jesús cutin shamushami nishcaca, ¿maitacyari? Ñucanchic taitacunapish ña huañurcami. Cai pachata Dios ruhuashcamanta pachami chai shinallatac caticun» ningacunami.