SAN MATEO 24:24 - Dios Rimashcata Quillcashcami

²⁴ Llullac cristocunapish, llullac huillaccunapish ricuringami. Paicunaca milagrocunatapish, mancharinacunatapish ruhuashpa ricuchingami. Chashnami Dios acllashcacunatapish pandachinga.

Nuevo Testamento en Quichua Cañar 1996

²⁴ Chai punzhacunapica ‘ñucami Cristo cani’ nishpa huillaccunapish, ‘Diosmantami huillacunchic’ niccunapish tiyangami. Chaicunaca pi mana ruhuaipaccunatapish, pi mana ricushcacunatapish ruhuashpa ricuchingami. Chashna ruhuashpaca, Taita Dios acllashcacunatapish ima shinapish pandachinatami yuyangacuna.

SAN MATEO 24:24 ပူးပေါင်းရင်းမြစ်များ

ISAÍAS 9:15

Umaca pushac yuyaccuna, alli nishca runacunami. Chupaca llullashpa yachachiccunami.

SAN MATEO 22:14

Achcami cayashcacunaca, cutin acllashcacunaca ashallami» nirca.

SAN MATEO 24:11

Tauca llullac huillaccuna shamushpami, achca gentecunata pandachinga.

SAN MATEO 24:22

Chai llaqui punzhacunata Dios mana chaupicpica, pipish mana quishpirinmanchu. Diosca pai acllashcacunata cuyashcamantami, chai llaqui punzhacunataca chaupinga.

SAN MATEO 24:25

Chaicunataca utcamanmi cancunaman huillarcani.

SAN MATEO 24:31

Ñuca angelcunata cachashpami. Paicunami trompetapi sinchita tocashpa, ñuca acllashcacunataca tucui cai pachamanta tandachinga.

SAN MATEO 24:5

Taucacunami ñuca shutipi shamushpa: “Ñucami Quishpichic Cristoca cani” nishpa, achcacunata pandachinga.

SAN MATEO 7:15

Cancunapacman shamuc llulla huillaccunamanta cuidaringuichic. Paicunaca oveja carata churarishca, cutin ucu shungupica, atuc shina millaicunami.

MARCOS 13:22

Chai llulla cristocuna, llullac huillaccunami ricuringa. Chaicunaca pandachingapacmi milagrocunatapish, pi mana ricushcacunatapish ruhuashpa ricuchinga. Chashnami Dios acllashcacunatapish pandachisha ninga.

SAN LUCAS 18:7

Diosca, ¿manachu pai acllashcacuna tutapish, punzhapish mañacucpica uyanga? ¿Mañashcata cungapac unayangachu?

SAN JUAN 4:48

Chashna mañacpimi Jesusca: —Milagrocunata ruhuacta manarac ricushpaca, ñucata mana cringuichicchu— nirca.

SAN JUAN 6:37

Tucui ñuca Taita cushcacunami ñucapacman shamun. Chai shamuccunataca manatac cutichishpa cachashachu.

SAN JUAN 6:39

Ñucata cachac Taitaca tucui ñucaman cushcacunata shucllatapish mana chingachishpa, tucuri punzhapi causachichunmi munan.

HECHOS 20:16

Pabloca ima shinapish Jerusalenpi Pentecostés punzhata canatami yuyarishca carca. Chaimantami Pabloca Asia llactapi mana unaiyashpa, Efeso pueblopi mana yaicushpa, barcopi rircalla.

ROMANOS 12:18

Tucuihuan cushilla causanata munaichic.

GÁLATAS 4:15

¿Utcaman cushi cashcataca ñachu cungarircanguichic? Utcamanca ima shina ñahuita llucchishpa cunalla cacpica, llucchishpa cunguichicmanmi carcanguichic. Cancuna chashna cashcataca ñucallatacmi alli yachani.

DEUTERONOMIO 13:1

Cancunapuramanta maijan shuc huillac, mana cashpaca shuc muscuc runa jatun mancharinacunata, mana ricushcacunata muscungami. Chai muscushcacuna pai nishca shina pactacpica:

2 TIMOTEO 2:19

Shina cacpipish Diosca huasita ruhuangapac callaripi churashca rumi shinatami, paipac rimashcataca churashca. Chai rimashcaca: «Pai acllashcacunataca Diosca ricsinmi. Diosta adoraccunaca tucui millaimantami anchurina can» nishcami.

1 PEDRO 1:5

Cancuna Diosta crishcamantami, cancunaman allichishca quishpirinata japingacaman, pai imatapish ruhuaclla cashcahuan cancunataca huacaichishpa, paipac maquipi charicun. Chai quishpirinataca tucuri punzhapimi ricuchinga.

2 PEDRO 3:17

Chaimanta cuyashca criccuna, puntaman caicunata ña yachashcamantaca, mana allita ruhuaccuna pandata yachachicpi, chaita uyashpa alli caticushcata saquishpa paicunata mana catingapacca, allimi huacaichirina canguichic.

1 JUAN 2:18

Cuyashca huahuacuna, tucuri punzhacunaca ñami chayamushca. Llullashpa huillac, Cristota piñac runa shamungami nishcataca uyashcanguichicmi. Chai shinallatac Cristota piñaccuna ña taucacuna ricurimucpimi tucuri punzhacuna ña chayamushcataca yachanchic.

1 JUAN 2:22

Maijanpish “Jesusca mana Quishpichic Cristochu” nicmi, llullashpa huillacca. Cristota piñacca Diostapish, Diospac Churitapish mana cricmi can.

1 JUAN 5:18

Maijanpish Diospac huahua cashpaca, juchata mana ruhuacushcatami yachanchic. Diospac Churi paicunata huacaichicpimi, diabloca imata mana ruhuanata pudin.

APOCALIPSIS 19:20

Chai manchana animaltapish, llullashpa huillactapish prezumi japircacuna. Chai llullashpa huillacca chai manchana animalpac ñaupapimi pi mana ruhuaipaccunata ruhuashpa ricuchic carca. Cai ruhuashcacunahuanmi chai llullashpa huillacca manchana animalpac shutita frentepi chariccunatapish, shinallatac chai animalman ricchata alli niccunatapish umashca carca. Chai ishcaicunataca causactami azufrehuan rupacuc nina cuchapi shitashca carca.