SAN MATEO 24:17 - Dios Rimashcata Quillcashcami

¹⁷ Maijanpish huasi jahuapi cashpaca, ama huasi ucumanta imata apangapac uricuchun.

Nuevo Testamento en Quichua Cañar 1996

¹⁷ Shinallatac maijanpish huasi jahuapi*f** cashpaca, huasi jahuamanta uricushpa imata charishcata apangapacllapish, ama uricuchun.

SAN MATEO 24:17 ပူးပေါင်းရင်းမြစ်များ

2 SAMUEL 11:2

Shuc punzha ña chishiyanatami Davidca camamanta jatarishpa, pai mandana huasi alto pambapi puricushpa shuc huarmi armaricucta ricurca. Chai huarmica alajami carca.

JOB 2:4

Shina nicpi, Satanasca Mandac Diostaca: —¡Maijan paita mana imata ruhuacpica, cushillami can! Runaca paipac causaimantaca pai tucui charishcatami cunga.

SAN MATEO 10:27

Cancunaman pacallapi nishcataca, achicpi huillanguichic. Ringrillapi huillashcataca, huasi jahua pataman huichicushpa huillanguichic.

SAN MATEO 24:16

Judea llactapi causaccunaca urcucunapi miticugrichun.

SAN MATEO 24:18

Chagrapi cashpaca, ama huasimanta churanata apangapac cutichun.

SAN MATEO 6:25

Chaimantami ñucaca: Ama: “¿Imatatac micushun, imatatac ubiashun, imatatac churarishun?” nishpa, chai yuyailla canguichicchu. Causaimari micunatapish ashtahuan yalli valin. Cuerpomari, churanata ashtahuan yalli valin.

SAN LUCAS 12:3

Chaimanta tucui pacallapi rimashcapish, tucuipac ñaupapi rimashca shinami uyaringa. Huasi ucupi pacalla parlashcapish, huasi jahuamanta caparishca shinami canga.

SAN LUCAS 5:19

Chashna cashpapish, achca gentecuna chai huasipi cashcamantami, Jesuspacmanca mana cuchuyachi pudirca. Chaimantami huasi jahuaman huichicushpa, catata pascashpa, ungushcataca huandumushcandi Jesuspac ñaupaman uricuchirca.

HECHOS 10:9

Cayandi punzha, chai runacuna Jope puebloman ñanta chayacucpica, chaupi punzha shina cacpimi, Pedroca pai pozana huasi jahuaman huichicushpa, Diosta mañacurca.

DEUTERONOMIO 22:8

Shuc huasita ruhuashpaca, maijanpish ama urmachun terrazapi jarcarinata ruhuangui. Chaimanta maijan urmashpa huañucpica, canmi chai huañushcamantaca juchanchishca cangui.

1 SAMUEL 9:25

Chai lomamanta puebloman cutimushpami Samuelca huasi jahuapi tiyac pambapi Saulhuan parlanacurca shinallatac samarichunpish shuc camata allichirca.