SAN MATEO 21:19 - Dios Rimashcata Quillcashcami

¹⁹ Jesusca ñan ladopi shuc higo yurata ricushpami, higota pactangapac cuchuyarca. Ashtahuanpish chai yuraca pangacuna jundashcami cashca carca. Chaimantami chai yurataca: “Jaicapi ama pucuchun” nirca. Chashna nincami, chai yuraca chaquirca.

Nuevo Testamento en Quichua Cañar 1996

¹⁹ Chashna yarcaihuan cashpami, Jesusca ñan cuchullapi shuc higo yura shayacucta ricushpaca: “P'ucushca tiyangami” yuyashpa cuchuyarca. Ashtahuanpish p'angacunalla junda cashcata ricushpami: “Cai yuraca jaicapi ama p'ucuchun” nirca. Chashna nincami, chai yuraca chaquirca.

SAN MATEO 21:19 ပူးပေါင်းရင်းမြစ်များ

ISAÍAS 5:2

Chai allpamanta quihuatapish, rumicunatapish anchuchishpami, allita uvasta acllashpa tarpurca. Chai chagra chaupipica jatun torretapish, uvasta cutanatapish ruhuarcami. Chai allpapi alli uvasta pucuchina yuyaihuan cacpica, sacha uvasmi pucurca.

JEREMÍAS 8:13

Mandac Diosca: «¡Ñucaca tucuimi tucuchigrini! Uvas chagrapi shuc uvasllatapish, higo yurapi shuc granollatapish mana saquic shinami tucuchisha. Yuracunapish pangacuna chaquishpa urmangami. Paicunaman ñuca cushcatapish shuccunamanmi cugrini» ninmi.

SAN MATEO 21:20

Chaita paipac yachacuccuna ricushpa, mancharinacushpaca: —¿Ima shinatac cai higoca tigrai chaquirca?— nircacuna.

MARCOS 11:14

Chaimantami Jesusca chai yurataca: —Cai yuramantaca, ama pi ashtahuan micuchun— nirca. Chashna rimactaca, paipac yachacuccunaca uyacurcami.

MARCOS 11:20

Cayandi tutamanta ñanta ricushpaca, higo yura sapindi chaquishcatami ricurca.

SAN LUCAS 3:9

Hachaca ñami yura chaquipi churashca. Chaimanta tucui mana pucuc yuracunataca pitishpami, ninapi shitanga— nirca.

SAN JUAN 15:2

Ñucapi cac, mana pucuc ramacunataca tucuitami pitinga. Cutin alli pucuc ramataca ashtahuan pucuchunmi, sumacta allichinga.

SAN JUAN 15:6

Maijanpish ñucahuan mana cactaca, mana pucuc ramata shinami pitinga. Ña chaquicpica, tandashpami ninapi rupachingami.

2 TIMOTEO 3:5

Diosta cuyaccunami canchic nishpapish, paicuna ruhuashcahuan mana allitac ricuchiccunami cangacuna. Chashna gentecunahuanca ama tandaringuichu.

TITO 1:16

Paicunaca “Diosta ricsinchicmi” nishpapish, imatapish ruhuashpaca Diosta mana ricsic cashcatami ricuchincuna. Paicunaca millana, mana cazuccuna cashpami, ima allitapish mana ruhuai pudincuna.

SAN JUDAS 1:12

Paicunaca cancuna tandanacushpa micuicunapica, jatun pinganayaita ruhuashpami mapayachincuna. Paicunapac huicsallata yuyarishpami, pitapish mana manchashpa micuncunalla, ubiancunalla. Paicunaca chaquishca puyuta huaira caiman, chaiman apacuc shinami. Pucuna punzha mana pucuc yura shina, shinallatac ishca cutin huañushca sapimanta pitishca yura shinami cancuna.

APOCALIPSIS 22:11

Mana allita ruhuaccunaca chashnallatac ruhuashpa catichun, millanayaita ruhuaccunaca chashnallatac ruhuashpa catichun saquinguilla. Cutin allita ruhuaccunaca chashnallatac allita ruhuashpa catichun, shinallatac Diospaclla caccunapish Diospaclla causashpa catichun saquinguilla— nirca.