SAN MATEO 19:6 - Dios Rimashcata Quillcashcami

⁶ Chashna cashcamantaca ña mana ishcaichu, ashtahuanpish shucllami can. Chaimanta Dios tandachishcataca, pi mana chicanyachinachu can— nirca.

Nuevo Testamento en Quichua Cañar 1996

⁶ Chashna cashcamanta ña mana ishcaichu, ashtahuanpish shucllami can. Chaimanta Taita Dios tandachishcataca, pi mana ch'icanyachinachu can— nirca.

SAN MATEO 19:6 ပူးပေါင်းရင်းမြစ်များ

PROVERBIOS 2:17

Chai huarmica huambrarac cashpa charishca cusata shitashpami, Dios-huan ari nishcata cungarin.

MALAQUÍAS 2:14

Ashtahuanpish cancunaca: «¿Imamantatac mana chasquin?» ninguichicmi. Cancunallatacmi huambrarac cashpaca, cazarashca cashpapish huarmita shitarcanguichic. Chaitami Mandac Diosca ricurca. Chai huarmica canhuan cazarashpa ari nishcami carca.

MALAQUÍAS 2:16

Quiquin huarmita shitac runatapish, mana allita ruhuashpa paipac churanata mapayachic runatapish piñanimi. Cancunapac yuyaita cuidarichic, ama cancunapac huarmita shitaichicchu. Chaitaca Mandac Dios ñucami nini.

SAN MATEO 19:5

Dios quillcachishcapica: “Carica taita mamata saquishpa, paipac huarmihuanmi tandaringa. Chashna tandanacushpaca, shucllami tucunga” nircami.

SAN MATEO 19:7

Fariseocuna Jesusta tapushpaca: —¿Ima nishpatac Moisesca firmata cushpaca, huarmimanta raquirichunlla nishpa mandarca?— nirca.

MARCOS 10:9

Chaimanta Dios tandachishcataca, pi mana chicanyachingachu— nirca.

ROMANOS 7:2

Cazarashca huarmica cusa causacucllapimi mandashcapi nishca shina, cusapac can. Ña cusa huañucpica, mandashcapi nishca shinami, mana cusapac saquirin.

EFESIOS 5:28

Cusacunaca, ima shinami quiquinllatac cuyaringuichic, chai shinallatac cancunapac huarmicunatapish cuyaichic. Maijanpish quiquin huarmita cuyacca quiquinllatacmi cuyarin.

HEBREOS 13:4

Tucuimi cazado causaica, valishca cashcata yuyana can. Ama huainayaichicchu. Huainayaccunatapish, huaclliccunatapish Diosca taripashpa llaquichingami.