SAN MATEO 19:28 - Dios Rimashcata Quillcashcami

²⁸ Chaimantami Jesusca: —Cai pachata Dios mushucta ruhuacucpimi, Runa Tucungapac shamushca ñucaca, sumaimana achicllapi mandai callarisha. Chaipica cancunapish ñucata caticcuna cashcamantaca, chunga ishcai mandaccuna mandashpa tiyarinapi tiyarishpami, chunga ishcai Israel aillucunata mandanguichic. Chaica chashnatacmi canga.

Nuevo Testamento en Quichua Cañar 1996

²⁸ Chaimantami Jesusca cashna nirca: —Cai pachata Taita Dios mushucta ruhuacucpimi, Runa Tucungapac shamushca*f** ñucaca, sumaimana achicllapi mandai callarisha. Chaipica cancunapish ñucata c'aticcuna cashcamantaca, chunga ishcai mandaccuna mandashpa tiyarinacunapi tiyarishpami, chunga ishcai Israel*f** aillucunata mandanguichic. Chaica chashnatacmi canga.

SAN MATEO 19:28 ပူးပေါင်းရင်းမြစ်များ

1 REYES 18:31

Eliasca Jacobopac chunga ishcai churicunata ricuchic cachunmi chunga ishcai rumicunata japishpa altarta allichirca. Mandac Diosmi Jacobotaca: «Cambac shutica Israelmi canga» nishca carca.

2 CRÓNICAS 9:19

Chai sucta gradapipish chunga ishcai leoncunatami tucui gradapi ishcai ladoman shuc shucta churashca carca. Chashna tiyarina shinataca maijan mandana llactapipish, jaicapi mana ruhuashcachu carca.

ESDRAS 6:17

Chai huasita Diosman cushpaca, patsac becita, ishcai patsac cari ovejata, chuscu patsac maltón ovejatami Diosman curcacuna. Tucui israelcunapac juchamantaca chunga ishcai Israel aillucuna cashca shinallatacmi chunga ishcai maltón chivota curcacuna.

ÉXODO 15:27

Chaimantaca Elim pambamanmi chayarca. Chaipica chunga ishcai tucyac yacupish, canchis chunga ramos yurapishmi tiyarca. Chai yacu ladopimi carpacunata shayachishpa tiyarca.

ÉXODO 24:4

Moisesca Mandac Dios tucui nishcacunata quillcashpami, cayandi tutamanta utca jatarishpa, urcu chaquipi shuc altarta ruhuarca. Chai altartaca chunga ishcai Israel aillucunata catishpami, chunga ishcai rumita japishpa shayachirca.

ÉXODO 28:21

Chai rumicunaca Israelpac huahuacunatami ricuchicunga. Chai rumicunaca Israelpac aillucuna shinallatacmi chunga ishcai rumi canga. Tucui rumicunami Israel aillucunapac shutiyuc, selloyuc canga.

ISAÍAS 65:17

Ñucami jahua pachatapish, cai pachatapish mushucta ruhuasha. Utcapi ima tucushcataca cungaringami. Shungullapipish mana yuyaringachu.

ISAÍAS 66:22

Cutinllatac Mandac Diosca: «Ñuca ruhuashca mushuc jahua pachapish, mushuc cai pachapish huiñaicamanmi ñuca ñaupapi canga. Cancunapac huahua huahuacunapish huiñaicaman mana chingaringa.

LEVÍTICO 24:5

Alli harinamanta chunga ishcai tandata ruhuangui. Cada tandami chuscu kilo chaupi harinata charina can.

SAN MATEO 16:27

Ashtahuanpish Runa Tucungapac shamushca ñucaca, ñuca Taitapac sumaimana achic nicuc-huan, paipac angelcunahuan cutimushpaca, tucuimanmi imata ruhuashca shina cusha.

SAN MATEO 19:27

Chashna nicpimi Pedroca: —Ñucanchicca tucui charishcacunata saquishpami, cantaca caticunchic. ¿Chaimantaca imatatac japishun?— nishpa tapurca.

SAN MATEO 20:21

Chashna mañacpimi Jesusca: —¿Imatatac ningui?— nirca. Chashna nicpimi chai huarmica: —Ñuca huahuacunata can mandanapi shuctaca cambac alli maquiman, shuctaca cambac lluqui maquiman tiyachingui— nirca.

SAN MATEO 25:31

Runa Tucungapac shamushca ñuca sumaimana achic nicuc-huan achicyachishpa, tucui angelcunahuan shamushpaca, jatun mandac tiyarinapimi tiyarisha.

SAN MATEO 6:33

Tucuimanta yallica, Dios mandacucta, shinallatac cashcata ruhuanata mashcaichic. Cancunapac ima illashcataca chasquinguichicllami.

SAN MATEO 8:20

Chashna nicpimi Jesusca: —Atuccunapish machaita charinmi. Volac animalcunapish cuzhata charinmi. Ashtahuanpish Runa Tucungapac shamushca ñucaca, maipi umata samachinallatapish mana charinichu— nirca.

MARCOS 10:37

Chashna nicpimi paicunaca: —Cambac sumaimana mandanapica, shuctaca cambac alli maquiman, shuctaca lluqui maquiman tiyachingui— nirca.

HECHOS 3:21

Dios tucuita mushucta ruhuangacamanmi Jesucristoca jahua pachapi cana can. Chashnami Diosca, jucha illac, pai ima nishca huillaccunaman huillachishca.

2 TIMOTEO 2:12

Llaquicunata apashpaca, paihuanmi mandashun. Pingashpa ‘mana paipacchu cani’ nicpica, paipish ‘mana ñucapacchu cangui’ ningami.

JOSUÉ 3:12

Cunanca chunga ishcai Israel aillucunamanta chunga ishcai runacunata acllaichic. Cada aillumanta shucta acllaichic.

2 PEDRO 3:13

Shina cashpapish ñucanchicca Dios cusha nishca mushuc jahua pachata, mushuc cai pachatami shuyacunchic. Chaipimi imapish cashcatac ruhuashpa causashun.

APOCALIPSIS 11:16

Shina caparicpimi Diospac ñaupapi cac, paicunapac tiyarinapi tiyacuc ishcai chunga chuscu yuyaccuna pambacaman cumurishpa, Diosta alli nircacuna.

APOCALIPSIS 12:1

Jahua cielopica shuc jatun mancharinami ricurirca. Chaipica shuc huarmimi intihuan pillushca shina churarishca, paipac chaqui ucupica quilla apashca ricurirca. Cutin umapica chunga ishcai lucerocunayuc corona apashcami carca.

APOCALIPSIS 20:4

Chai quipaca mandashpa tiyarinacunapi taripanata chasquiccuna tiyacuctami ricurcani. Shinallatac Diosmantapish, Jesucristomantapish huillashpa mana cungarishpa catishcamanta, cungata pitishpa huañuchishca almacunatapish ricurcanimi. Paicunaca chai manchana animaltapish, paiman ricchata ruhuashcatapish mana alli nircacunachu. Shinallatac chai manchana animalpac shutita frentepi cashpa, maquipi cashpa churachunca, paicunaca mana saquircacunachu. Paicunaca cutin causarishpami, huaranga huatata Cristohuan mandarcacuna.

APOCALIPSIS 21:5

Chai quipaca mandashpa tiyarinapi tiyacucca: «Ñucaca tucuitami mushucta ruhuani» nirca. Shinallatac paica: «Quillcai, cai ñuca rimashcacunaca chashna pactanatac, shinallatac mana llullachu» nirca.

APOCALIPSIS 22:2

Chai pueblopi tiyac jatun ñan chaupita callpacuc yacu ishcai ladopimi, causaita cuc yuraca carca. Chai yuraca quillanta pucushpami, huatapica chunga ishcai cutin pucun. Shinallatac pangacunapish gentecunata jambingapac allimi can.

APOCALIPSIS 22:5

Mandac Diosllatac achicyachicucpimi, tutaca ña mana tiyanga. Shina cacpimi intipish, achicyachic lamparapish achicyachingapacca mana tiyana can. Shinallatac paicunaca huiñai huiñaitami mandangacuna.

APOCALIPSIS 3:21

Ima shinami millaita ñuca mishashpa ñuca Taita mandashpa tiyarinapi paihuan mandangapac tiyarircani, chai shinallatacmi maijanpish millaita mishacmanca ñucahuan mandachun ñuca mandashpa tiyarinapi ñucahuan tiyarichun cusha.

APOCALIPSIS 4:4

Shinallatac chai jatun mandac mandashpa tiyarina muyundicpica, ishcai chunga chuscu mandashpa tiyarinapi ishcai chunga chuscu yuyaccuna tiyacuctami ricurcani. Paicunaca yuranlla churanata churashca, umapipish curi coronata churashcami carca.

APOCALIPSIS 7:4

Chai quipaca: “Israelpac chunga ishcai huahuacuna mirarishcapuramanta, pasac chuscu chunga chuscu huaranga sellota churashcacunami tiyan” nictami uyarcani.