SAN MATEO 18:27 - Dios Rimashcata Quillcashcami

²⁷ Shina nicpimi, mandac paita llaquishpaca: “Shinashpaca saquilla, ama cutichichu” nirca.

Nuevo Testamento en Quichua Cañar 1996

²⁷ Shina nicpi, chai mandacca paita llaquishpami: ‘Shinashpaca saquilla, ama cutichichu’ nishpa cacharca.

SAN MATEO 18:27 ပူးပေါင်းရင်းမြစ်များ

NEHEMÍAS 9:17

Mana uyashun nircacunachu, paicunaman can sumaimanacunata ruhuashcatapish mana yuyarircachu. Mana cazushpa sinchi tucushpami, cutin huatashca shina causangapac Egiptoman cutingapac shuc mandacta acllarcacuna. Ashtahuanpish canca yallita cuyac, llaquic, mana utca piñaric, perdonac Dios cashpami, paicunataca mana saquircangui.

SALMOS 145:8

Mandac Diosca cuyac llaquic Diosmi. Yallita llaquicpish, shinallatac mana utca piñaric Diosmi can.

SALMOS 78:38

Shina cacpipish llaquishpami paicuna millaita ruhuashcatapish cungarishpa mana tucuchirca. Tauca cutinmi pai piñarishcatapish ladoman churashpa, ña mana llaquichishpa cungarirca.

SALMOS 86:15

Shina cacpipish, Mandac Diosca llaquic, cuyac Diosmi cangui. Mana utca piñaric, yallita cuyacpish, cashcata nicpish canguimi.

SALMOS 86:5

Jatun Dioslla, juchacunata perdonac cuyac Diosmi cangui. Canta mañaccunataca yallitami cuyangui.

OSEAS 11:8

Efraín aillulla, ¿cancunataca imatac shitashpa saquishayari? Israelcunalla, ¿imatac shuccunapac maquipi saquishayari? Cancunataca, ¿imatac Adma llactata shina, mana cashpaca Zaboím llactata shina llaquichishayari? Ashtahuanpish cancunataca shungupi nanarishpami yuyaricunilla.

SAN MATEO 18:28

Chai servic chaimanta rishpaca, paiman ashalla cullquita debic runahuanmi tuparca. Chashna tupashpaca: “¡Debita cutichi!” nishpami, cungapi japirishpa sipi callarirca.

SAN MATEO 18:32

Chaimantami chai mandacca chai debic runata cutin cayachishpaca: “¡Millai runa, can mañacpica, achcata debishcatapish saquircanillami!

SAN LUCAS 7:42

Paicuna mañashca cullquita mana cutichi pudicpimi, chai mañachic runaca ishcai runatatac perdonarca. Chai ishcai runacunamantaca, ¿maijantac cullquita mañachic runataca, ashtahuan cuyanga? Chaita ni— nirca.

SAN LUCAS 7:43

Shina tapucpimi Simonca: —Maijanmi ashtahuan achcata mañac runami ashtahuan cuyanga, yuyanimi— nirca. Shina nicpimi Jesusca: —Ari, allitami nircangui— nirca.

JUECES 10:16

Shina nishpami paicunapac chaupipi tiyac dioscunata anchuchishpa Mandac Diosta servircacuna. Mandac Diosca israelcuna llaquita apacucta ricushpaca, paipish llaquirircami.