SAN MATEO 17:5 - Dios Rimashcata Quillcashcami

⁵ Pedro rimacucpillatacmi, yuranlla puyu paicunata taparca. Chai puyu ucumanta rimashpaca: «Caimi ñuca cuyashca Churi. Paimi ñucataca cushichin. Paita uyanguichic» nirca.

Nuevo Testamento en Quichua Cañar 1996

⁵ Pedro chashna nicucpiracmi, yuranlla p'uyu paicunataca quillparca. Chai p'uyu ucumanta shuc rimashca uyarishpaca: —Caimi ñuca c'uyashca Churi. Paillami ñucataca cushichin. Pai ima nishcata uyanguichic— nirca.

SAN MATEO 17:5 ပူးပေါင်းရင်းမြစ်များ

JOB 38:1

Chaimantami Mandac Diosca manchana huaira chaupimanta Jobta rimashpaca:

SALMOS 81:7

Llaquipi cashpa ñucata caparicpica quishpichircanimi. Tulun nicuc chaupimantami cutichircani. Meriba yacu ladopimi cancuna ima shina cashcata yacharcani.

ÉXODO 19:19

Cornetapi tocashcaca ashtahuan sinchitami uyarishpa catirca. Moisés Dios-huan parlacpica, relampa tulun nicuc shinami, rimashpa cutichirca.

ISAÍAS 42:1

Mandac Diosca: «Ñuca acllashca, ñucata servic runataca ñucami cuidasha. Paimi ñucataca cushichin. Paipimi ñuca Espiritutaca churarcani. Paimi jatun llactacunapica cashcata ruhuanamanta huillanga.

ISAÍAS 42:21

Shina cacpipish, Mandac Dios ñucami cashcata ruhuac cashpa, mandashcacunataca sumac cashcata, jatun cashcata ricuchichun curcani.

SAN MATEO 12:18

«Caipimi ñuca acllashca servicca. Paitami ñucaca cuyani. Paimi ñucata cushichin. Paimanmi Espirituta cusha. Tucui llactacunapi cashcata ruhuashpa mandanamanta huillanga.

SAN MATEO 17:6

Yachacuccuna chaita uyashpaca, manchaihuanmi pambacaman cumurirca.

SAN MATEO 3:17

Jahua pachamanta rimashpaca: «Caimi ñuca cuyashca Churica. Paillami ñucataca cushichin» nishcami uyarirca.

MARCOS 1:11

Shinallatac jahua pachamanta rimashpaca: «Canmi ñuca cuyashca Churica cangui. Canmi ñucataca yallita cushichingui» nirca.

MARCOS 9:7

Shina rimacucpimi puyu llandushpa, paicunata llandurca. Chai puyu ucumanta shuc rimashca uyarishpaca: —Caimi ñuca cuyashca Churi. Pai ima nishcata uyanguichic— nirca.

SAN LUCAS 3:22

Chashnallatac Diospac Espiritumi paloma shina jahuamanta paipac jahuaman urai shamurca. Shinallatac jahua pachamanta rimashpaca: «Canmi ñuca cuyashca Churi cangui. Canllami ñucataca cushichingui» nirca.

SAN JUAN 3:16

Diosca cai pachapi causaccunata yallita cuyashpami, paipac shuclla Churita cai pachaman cacharca. Pipish paita cricca ama chingarichun, ashtahuanpish huiñai causaita charichunmi, chashnaca cacharca.

SAN JUAN 3:35

Diosca paipac Churita yallitami cuyan. Chaimantami tucuita pai mandachun cushca.

SAN JUAN 5:37

Ñucata cachac Taitapish ñucamantami huillan. Shina cacpipish, cancunaca jaicapi paitaca mana ricushcanguichicchu, pai rimashcatapish mana uyashcanguichicchu.

HECHOS 1:9

Chaita nishca quipami, paicuna ricucucpi, Jesusca jahua pachaman apashca carca. Paita puyu pacacpica, ña mana ricurcacunachu.

HECHOS 7:37

Chai Moisesllatacmi israelcunataca: “Cancunata Mandac Diosca ñucata cachashca shinami, cancunapuramanta shuc huillacta cachanga. Pai ima nishcata cazunguichic” nirca.

EFESIOS 1:6

Chashnaca Dios mai cuyashpa, paipac cuyashca Churimanta allicunata cushcamantami, ¡paitaca alli nicunalla canchic!

DEUTERONOMIO 18:15

Mandac Diosca cancunapuramantami ñuca shina shuc huillacta acllanga. Paita cazunguichic.

DEUTERONOMIO 18:19

Maijanpish pai ñuca shutipi huillashcata mana cazuctaca ñucami juchanchisha.

DEUTERONOMIO 5:22

Cai mandashcacunataca cancuna urcupi tandanacushca cacpimi, Mandac Diosca pura puyu nina chaupimanta sinchita rimarca. Chai quipaca, imatapish mana ashtahuan rimashpami ishcai tabla rumipi quillcashpa ñucaman curca.

COLOSENSES 1:13

Diosmi amsa millai yuyaicuna mandashpa huatashca shina charicucmanta, paipac cuyashca Churi mandacucman aparca.

HEBREOS 5:9

Chai shina tucui Dios nishcata pactachishpami, tucui paita cazuccunapac huiñaita quishpichic tucurca.

APOCALIPSIS 1:7

¡Uyaichic, Cristoca puyupimi shamucun! Paitaca tucuimi ricunga. Paita chacatashpa huañuchiccunapish ricungami. Tucui cai pachapi causac gentecunapish ricushpaca, shungupi huactarishpami paimanta huacangacuna. ¡Chaica chashnatacmi canga! Chashna cachun.

APOCALIPSIS 14:14

Chai quipaca shuc yuranlla puyutami ricurcani. Chai puyu jahuapica Runa Tucungapac shamushcaman riccha tiyacuctami ricurcani. Paica umapica curi coronata churashca, shinallatac maquipica shuc jinu hosis apashcami carca.