SAN MATEO 17:27 - Dios Rimashcata Quillcashcami

²⁷ Ashtahuanpish impuestota japiccunata mana piñachingapacca, cuchaman ri. Chaiman chayashpaca, anzuelota shitangui. Punta japishca challua shimipimi cullquita taringui. Chaita canmantapish, ñucamantapish impuestota cungui— nirca.

Nuevo Testamento en Quichua Cañar 1996

²⁷ Ashtahuanpish impuestota japiccunata mana p'iñachingapacca, cuchaman ri. Chaiman chayashpaca, anzuelota shitangui. Maijan pescadoracmi japi tucun, chaipac shimipimi cullquita taringui. Chai cullquita apashpa, impuestota japiccunaman canmantapish, ñucamantapish cugringui— nirca.

SAN MATEO 17:27 ပူးပေါင်းရင်းမြစ်များ

GÉNESIS 1:28

Dios paicunata bendiciashpaca: «Achcata mirarishpa, achca tucushpa, cai pachapi jundarichic, shinallatac cazuchichic. Mama cuchapi tiyac challuacunatapish, jahuata volac animalcunatapish, tucui cai pachapi tiyac animalcunatapish mandaichic» nirca.

1 REYES 17:4

Chaipica, chai huaicumanta yacuta ubiangui. Shinallatac cuervo animalcunatami chaipi micunata canman carachun mandarcani» nirca.

SALMOS 8:8

jahuata volac animalcunata, yacupi causac challuacunata, yacupi causac tucuilaya animalcunatami curcangui.

JONÁS 1:17

Ashtahuanpish Mandac Diosca Jonasta micuchunca, shuc jatun challuatami cacharca. Jonasca chai challuapac huicsa ucupimi quimsa punzha, quimsa tuta carca.

JONÁS 2:10

Mandac Dios challuata Jonasta allpaman llucchichun nicpica, llucchi shitarcallami.

SAN MATEO 17:26

Shina nicpimi Pedroca: —Shuctac llactacunamantami chasquin— nirca. Shina nicpimi Jesusca: —Shinashpaca, quiquin llactapi causaccunaca mana paganachu canchic.

SAN MATEO 18:6

Maijanpish cai huahuacuna shina ñucata caticcunata juchapi urmachictaca, cutana rumita cungapi huatashpa, jatun cuchapi shitanami ashtahuan alli canman.

SAN MATEO 18:8

Chaimanta cambac maqui, cambac chaqui juchapi urmachicpica, pitishpa shitangui. Ishcai chaquindi, ishcai maquindi mana huañuc ninapi shitashca canapac randica, chulla chaquilla, chulla maquilla jahua pachaman yaicunami canmanca ashtahuan alli canga.

SAN MATEO 5:29

Chaimanta cambac alli lado ñahui juchapi urmachisha nicpica, surcushpa shitangui. Tucui cuerpo ucu pacha ninaman shitashca canapac randica, chulla ñahuillata chingachinami canmanca ashtahuan alli canga.

SAN MATEO 5:30

Cambac alli lado maqui juchapi urmachisha nicpica, pitishpa shitangui. Tucui cuerpo ucu pacha ninapi shitashca canapac randica, cambac chulla maquillata chingachinami ashtahuan alli canga.

MARCOS 9:42

Maijanpish cai uchilla shina ñucata criccunata pandachictaca, jatun cutana rumita cungapi huatashpa, jatun cuchapi shitanami ashtahuan alli canman.

MARCOS 9:43

Chaimanta cambac maqui juchapi urmachisha nicpica, pitishpa shitangui. Ishcai maquindi mana huañuc ucu pacha ninaman rinapac randica, shuclla maquihuan jahua pachapi yaicunami canmanca ashtahuan alli.

SAN LUCAS 17:2

Huahuacuna shina ñucata criccunata maijanpish juchapi urmachictaca, cutana rumita cungapi huatashpa, jatun cuchapi shitanami ashtahuan alli canman.

SAN JUAN 6:61

Chashna nishcamanta, huashalla parlanacucucta Jesús yachashpaca: —¿Cai nishcaca llaquichinchu?

ROMANOS 14:21

Shuctac criccunata pandachinapac randica, aichatapish mana micuna, vinotapish mana ubiana, ima shuctaccunatapish mana ruhuanami ashtahuan alli.

1 CORINTIOS 8:13

Shina cashcamanta ruhuashcalla dioscunaman cushca aichata ñuca micushcallamanta shuc cric pandarina cacpica, paita mana pandachingapacca chai aichataca mana micunachu cani.

1 CORINTIOS 8:9

Shina cacpipish micunallami nishpa micushpaca, pacta caishuc manarac sinchi criccunata pandachinguichicman.

2 CORINTIOS 6:3

Ñucanchic ima ruhuashcacuna pipacpish mana allichu nishca ama cachunca, pimanpish ima mana allita ruhuashpa mana ricuchicunchicchu.

2 CORINTIOS 8:9

Ñucanchic Apunchic Jesucristo mai cuyac cashcataca, ña yachanguichicmi. Paica achcata charic cashpapish, cancunamantami huaccha tucurca. Chai shina huaccha tucushcamantami, cancunaca achcata chariccuna tucunguichic.

1 TESALONICENSES 5:22

Tucui mana allimanta huacaichirichic.

SANTIAGO 2:5

Ñuca cuyashca criccuna: Diosca cai pachapi imata mana chariccunataca, crishcahuan chayuc tucuchun, Dios maipi mandacucpi paita cuyaccuna Pai cusha nishcata japichunmi, chashnaca acllarca.