SAN MATEO 14:20 - Dios Rimashcata Quillcashcami

²⁰ Shina caracpica, tucui gentecunami mana nicta micurca. Cutin puchushcataca paipac yachacuccunami chunga ishcai taza jundata tandarca.

Nuevo Testamento en Quichua Cañar 1996

²⁰ Shina caracpi tucui gentecuna mana nicta micushca q'uipami, paipac yachacuccunaca chai puchucunataca chunga ishcai taza jundata tandarcacuna.

SAN MATEO 14:20 ပူးပေါင်းရင်းမြစ်များ

ÉXODO 16:12

—Ñucaca israelcuna rimarishcata uyarcanimi. Chaimanta paicunataca: “Cunan chishica aichata, tutamantaca tandatami huicsa pactata micunguichic. Chashnami ñucataca cancunata Mandac Dios cashcata yachanguichic” ninmi ningui— nirca.

ÉXODO 16:8

Moisés ashtahuan rimashpaca: —Cunan chishica aichata, caya tutamantaca tandatami huicsa pactata micuchun cunga. Mandac Diosca cancuna huashalla rimashcata uyashcami. Chashnaca mana ñucanchictachu rimashcanguichic, ashtahuanpish Mandac Diostami rimashcanguichic. Ñucanchicca, ¿pitac canchicyari?— nirca.

PROVERBIOS 13:25

Cashcata ruhuac runaca huicsa pactatami micun. Ashtahuanpish Diosta mana manchaccunaca chushac huicsami puringacuna.

LEVÍTICO 26:26

Cancunapac micunata ñuca chingachicpica, chunga huarmimi shuc hornollapi tandata cusanga. Shina cusashpaca, cancunamanca pezashpami raquinga. Shina raquicpica, cancuna micushpapish mana micushca shinallatacmi saquiringuichic.

HAGEO 1:6

Cancunaca achcata tarpushpapish, ashallatami japinguichic. Micushpapish mana sacsanguichicchu. Yacuta ubiashpapish, yacunayaita mana pasachinguichicchu. Churarishpapish, mana cunuringuichicchu. Cullquimanta trabajac runaca lliqui mochilapimi cullquita huacaichin.

SAN MATEO 14:21

Chai micuccunaca huarmicunata, huahuacunata mana yupashpami, pichca huaranga shina carca.

SAN MATEO 15:33

Shina nicpimi yachacuccunaca: —Cai tucuiman carangapacca, ¿maipitac micunataca tarishun? Caipica pipish mana causanchu— nirca.

SAN MATEO 5:6

Yarcaihuan yacunayaihuan shina, cashcata ruhuanata munaccuna, ¡cushicuichic! Diosmi chaita pactachichun saquinga.

SAN LUCAS 1:53

Yarcaihuan caccunamanca, allicunatami achcata carashca. Chayuccunataca, chushac maquitami cachashca.

SAN LUCAS 9:17

Tucui gentecunami mana nicta micurca. Paicuna puchuchishcataca, chunga ishcai taza jundatami tandarca.

SAN JUAN 6:7

Shina nicpimi Felipeca: —Ishcai patsac denario cullquihuan randishca tandapish asha ashallami cai tucui gentecunamanca pactanga— nirca.