SAN MATEO 12:44 - Dios Rimashcata Quillcashcami

⁴⁴ “Ñuca llucshimushca huasimanmi cutisha” nishpami yuyarin. Ña cutimushpaca, sumacta pichashpa, allichishca huasi shinatami chai runataca tarin.

Nuevo Testamento en Quichua Cañar 1996

⁴⁴ “Ñuca maipimi punta causacurcani, chaillamantac cutishalla” nishpami yuyarin. Ña supai cutimushpaca, sumacta p'ichashpa, allichishca huasi shinatami chai runataca tarin.

SAN MATEO 12:44 ပူးပေါင်းရင်းမြစ်များ

OSEAS 7:6

Paicunapac shunguca rupac horno shinami. Paicunaca tuta sueñushpa, cayandi tutamanta horno rupacuc shinami, imata ruhuangapac yuyarishpa pacarin.

SAN MATEO 12:29

Pipish shuc sinchi runapac huasiman yaicushpa, imata shuhuangapacca, huasiyuc runataracmi chacnanman. Paita chacnashpallami, imatapish shuhuanman.

SAN MATEO 12:43

Shuc runamanta supai llucshishpaca, shitashca pambacunapi samarinata mashcashpami purin. Samarinata mana tarishpaca:

SAN MATEO 12:45

Chaimantami paita yalli ashtahuan millai caishuc canchis supaicunata pushashpa, chai runapica causangapac shamun. Chaimantami chai runaca ñaupa causacushcatapish yalli ashtahuan millai tucun. Shinallatacmi cunan punzhapi causac millai gentecunapish tucunga— nirca.

SAN LUCAS 11:25

Ña cutimushpaca, pichashpa sumacta allichishcatami tarin.

SAN JUAN 12:6

Judasca mana huacchacunata llaquishcamantachu chaitaca nirca, ashtahuanpish shuhuac cashcamantami chashna nirca. Paimi cullquita tandashpa huacaichic carca. Chashnami maijan cutinca shuhuac carca.

SAN JUAN 13:2

Jesús manarac paipac yachacuccunahuan micungapac tiyaricpimi, diabloca Simonpac churi Judas Iscariotepac shungupi Jesusta japichina yuyaita churashca carca.

SAN JUAN 13:27

Judas tandata japincami, Satanasca paipac shungupi yaicurca. Chaimantami Jesusca: —Can imata ruhuagricushcataca utca ruhuailla— nirca.

1 CORINTIOS 11:19

Cancunapurapi alli cric tiyashcata yachangapacca, chicanyarinacui tiyanami can.

EFESIOS 2:2

Cai pacha mana alli causaita catishpami, huairapi puric mandac millai espíritu munashcata ruhuashpa causacurcanguichic. Chai espiritumi Diosta mana cazuccunataca mana allita ruhuachishpa mandacun.

1 JUAN 2:19

Chaicunaca ñucanchicpuramanta llucshishca cashpapish, mana ñucanchicpuratachu carcacuna. Ñucanchicpura cashca cashpaca, ñucanchicmantaca mana llucshinmanchu carcacuna. Chaicunaca mana ñucanchicpura cashcata ricuchunmi, chashnaca llucshirca.

1 JUAN 4:4

Cuyashca huahuacuna, cancunaca Diospacmi canguichic. Cancunapi causacuc Espirituca cai pachapaclla causac espirituta atic cashcamantami, chai llullashpa huillaccunataca mishashcanguichic.