SAN MATEO 12:41 - Dios Rimashcata Quillcashcami

⁴¹ Nínive pueblopi causaccunaca Dios ima nishcata Jonás huillacpica, llaquirishpa, Diosman cutirircami. Ñucacarin Jonastapish yallimi caipica cani. Dios taripana punzhapica, Ninivepi causaccunami cunan punzhapi causaccuna mana allita ruhuashcamantaca juchanchingapac jataringacuna.

Nuevo Testamento en Quichua Cañar 1996

⁴¹ Nínive pueblopi causac gentecunapish Dios ima nishcata Jonás huillacpica, juchayuc cashcamanta llaquirishpa, Taita Diosman cutirircacunami. Ñucacarin Jonastapish yallimi caipica cani. Taita Dios taripana punzhapica, Ninivepi causaccunami jatarishpa, cunan punzhapi causaccunataca: ‘Cancunaca mana allitami ruhuashcanguichic’ nishpa juchanchingapac jataringacuna.

SAN MATEO 12:41 ပူးပေါင်းရင်းမြစ်များ

ISAÍAS 54:17

Canta llaquichingapac ruhuashca ima macanacunapish cantaca mana mishangachu. Canta llaquichingapac juchanchictapish, canracmi llaquipi churangui. Mandac Dios ñucata serviccuna japinaca chaimi canga. Ñucallatacmi quishpichisha» nini. Chaitaca Mandac Dios ñucami nini.

JEREMÍAS 3:11

Mandac Diosca: «Chai mana cazuc Judá llacta juchallishcahuan, mana cazuc Israel llacta juchallishcahuan chimbapurashpa ricucpica, Israelpac juchaca ashallami.

JONÁS 1:2

«Jatari, jatun Nínive llactapi causaccunata llaquichina cashcata huillagri. Paicuna alli mana allita ruhuashcatami yachani» nirca.

JONÁS 3:4

Jonasca llactata shuc punzhata purishpami: «¡Cunanmanta chuscu chunga punzhapica Nínive llactaca tucuringami!» nirca.

SAN MATEO 12:39

Chashna nicpimi Jesusca: —Cai mana cric millai gentecunaca milagrota ruhuashpa ricuchichunmi mañancuna. Chashna mañashpapish imata mana ricungacunachu, ashtahuanpish Dios ima nishcata huillac Jonás ima shina tucushcallatami ricunga.

SAN MATEO 12:42

Sabá llactata jatun mandac huarmipish alli yachac Salomón ima nishcata uyangapacmi, caru llactamanta shamurca. Cunan ñucaca Salomontapish yallimi caipica cani. Chaimantami Dios taripana punzhapica, chai huarmipish cunan punzhapi causaccuna mana allita ruhuashcamantaca juchanchingapac jataringa.

SAN MATEO 12:45

Chaimantami paita yalli ashtahuan millai caishuc canchis supaicunata pushashpa, chai runapica causangapac shamun. Chaimantami chai runaca ñaupa causacushcatapish yalli ashtahuan millai tucun. Shinallatacmi cunan punzhapi causac millai gentecunapish tucunga— nirca.

SAN MATEO 12:6

Chaica, Diosta mañana huasitapish yallimi caipi can ninimi.

SAN MATEO 16:4

Diosta mana cazuc, millai gentecuna milagrota ruhuashpa ricuchichunmi ninguichic. Chashna cashpapish imata mana ricunguichicchu, ashtahuanpish Dios ima nishcata huillac Jonás ima tucushcallatami ricunguichic» nirca. Chashna nishpaca chaimanta rircallami.

SAN MATEO 17:17

Chaimantami Jesusca: —¡Aij, mana cric millai gentecunalla! ¿Ima horacamantac cancunamanca yachachicushalla? ¿Maicamantac cancunahuanca llaquita apacushalla? Huambrata pushamuichic— nirca.

SAN MATEO 23:36

Diosca tucui chaicunamantami cunan punzha gentecunataca llaquichinga. Chaica chashnatacmi canga.

SAN LUCAS 11:32

Ninivepi causac gentecunapish Jonás huillacpica, juchayuc cashcamanta llaquirishpa, Diosman cutirircami. Ñucacarin, Jonastapish yallimi caipica cani. Chaimanta Dios taripana punzhapica Nínive pueblopi causaccunapish cunan punzhapi causaccunataca juchanchishpa llaquichinga.

SAN JUAN 3:31

Jahua pachamanta shamucmi tucuita yallica. Cai pachamanta cacca cai pachapi causaccuna shinallami. Chaimantami cai pachallamanta riman. Ashtahuanpish jahua pachamanta shamucmi tucuita yallica.

SAN JUAN 4:12

Cai yacu jundutaca ñucanchic taita Jacobomi saquirca. Caimantami paipish, paipac huahuacunapish, paipac animalcunapish ubiac carca. ¿Canca taita Jacobota yallichu cangui?— nirca.

ROMANOS 2:27

Chaica aichapi mana circuncisionta ruhuashca cashpapish mandashcacunata pactachiccunaca, circuncisionta ruhuashca jahua, mandashcacunata yachashca jahua mana pactachiccunataca juchanchingami.

HEBREOS 11:7

Crishcamantami Noepish Dios huillashca manarac pactacpi, Diosta cazushpa, paita manchashpa, paipac aillu quishpirichun huambuc huasita ruhuarca. Pai crishcamantami, cai pacha millai gentecunatapish llaquiman cacharca. Diosca Noetaca crishcamantami chasquirca.