SAN MATEO 12:30 - Dios Rimashcata Quillcashcami

³⁰ Maijanpish mana ñucahuan cashpaca, ñucata piñacmi. Maijanpish ñucahuan mana cashpaca, ñuca tandachishcacunata tucuchicmi.

Nuevo Testamento en Quichua Cañar 1996

³⁰ Maijanpish mana ñucahuan tandaricca, ñucata p'iñacmi. Shinallatac maijanpish ñucahuan mana tandachicca, ñuca tandachishcatapish shiguashpa cachacmi.

SAN MATEO 12:30 ပူးပေါင်းရင်းမြစ်များ

GÉNESIS 49:10

Judá, cambac mandana varataca pi mana quichungachu. Varataca chasquingacamanmi charicunguilla. Cantaca tucui gentecunami cazunga.

SALMOS 94:16

Millaita ruhuaccunahuan shayaringapacca ¿pitac ñucataca ayudangayari? Mana allita ruhuaccunahuan shayaringapacca ¿pitac ñuca parte tucungayari?

PROVERBIOS 11:24

Maijanpish ima charishcata caraccunaca ashtahuanmi chayucyancuna. Maijanpish yallita misashpa, quiquinpaclla charinata munaccunaca imapish illacmi tucuncuna.

OSEAS 1:11

Judapac huahua huahuacunapish, israelcunapish tandanacushpami, shuclla mandacta acllanga. Chaica, Jezreelpac punzhaca jatun punzhami canga.

SAN MATEO 12:29

Pipish shuc sinchi runapac huasiman yaicushpa, imata shuhuangapacca, huasiyuc runataracmi chacnanman. Paita chacnashpallami, imatapish shuhuanman.

SAN MATEO 6:24

Maijanpish ishcai amotaca mana servi pudinchu. Chaica, shuc amotaca piñangami, caishuctaca cuyangami. Shuc amo mandashcataca cazungami, cutin caishuc amo mandashcataca mana cazungachu. Chashnami maijanpish charicyana yuyailla cashpaca, Diostaca mana servi pudinga.

MARCOS 9:40

Maijanpish ñucanchicta mana piñacca, ñucanchic-huan alli cashcatami ricuchin.

SAN LUCAS 11:23

Maijanpish mana ñucahuan tandaricca, ñucata piñacmi. Maijanpish mana ñucahuan tandachicca, ñuca tandachishcatapish shic-huashpa cachacmi.

SAN LUCAS 9:50

Chaimantami Jesusca: —Chashna ruhuactaca ama jarcanguichicchu. Maijanpish mana ñucanchicta piñacca, ñucanchic-huanmi— nirca.

SAN JUAN 11:52

Mana chai llactallamantachu huañuna carca, ashtahuanpish caita chaita rishpa causacuc Dios acllashcacunata tandarishpa, shucllata ruhuangapacmi huañuna carca.

JOSUÉ 24:15

Mandac Diosta servina mana alli cacpica, maijan diosta servingapac acllaichiclla. Cancunapac ñaupa taitacuna jatun yacu chimba ladopi causashpa servishca dioscunata, mana cashpaca cunan cancuna causacuc llactapi causac amorreocuna servishca dioscunata servichiclla. Shina cacpipish, ñuca familiahuanca Mandac Diostami servishpa causasha» nirca.

JOSUÉ 5:13

Shuc punzhami Josueca Jericó pueblo cuchullapi cashpa huichai ricushpaca, shuc runa espadata huacaichinamanta llucchishpa, maquipi apashpa paipac ñaupapi shayacucta ricurca. Josué paipac ladoman cuchuyashpaca: —¿Canca ñucanchicpurachu cangui? ¿Mana cashpaca, ñucanchicta piñacpurachu cangui?— nishpa tapurca.

1 JUAN 2:19

Chaicunaca ñucanchicpuramanta llucshishca cashpapish, mana ñucanchicpuratachu carcacuna. Ñucanchicpura cashca cashpaca, ñucanchicmantaca mana llucshinmanchu carcacuna. Chaicunaca mana ñucanchicpura cashcata ricuchunmi, chashnaca llucshirca.