SAN MATEO 1:16 - Dios Rimashcata Quillcashcami

¹⁶ Jacoboca José churitami charirca. Joseca Mariapac cusami carca. Mariaca Jesuspac mamami carca. Jesusca Cristomi can.

Nuevo Testamento en Quichua Cañar 1996

¹⁶ Jacoboca Josepac taitami carca. Joseca Mariapac cusami carca. Mariaca Jesuspac mamami carca. Jesusca Quishpichic Cristomi can.

SAN MATEO 1:16 ပူးပေါင်းရင်းမြစ်များ

SAN MATEO 1:15

Eliudca Eleazar churitami charirca. Eleazarca Matán churitami charirca. Matanca Jacobo churitami charirca.

SAN MATEO 16:16

Shina tapucpimi Simón Pedroca: —Canca causac Diospac Churi, Quishpichic Cristomi cangui— nirca.

SAN MATEO 16:20

Chaimanta Jesús paipac yachacuccunataca: “Pacta piman ñuca Quishpichic Cristo cashcataca huillanguichicman” nirca.

SAN MATEO 2:13

Yachaccuna rishca quipaca, Mandac Dios cachashca ángel muscuipi Joseman ricurishpaca: «Mandac Herodesmi huahuataca huañuchingapac mashcachigricun. Cunanca jatarishpa, huahuata paipac mamandi Egipto llactaman apai. Ñuca ima horas shamuchun ningacaman chaipi cagri» nirca.

SAN MATEO 27:17

Pilatoca tandanacushca gentecunataca: —¿Maijantatac cacharichun ninguichic? ¿Barrabasta? Mana cashpaca, ¿Cristo nishca Jesusta?— nishpa tapurca.

SAN MATEO 27:22

Chaimantami Pilatoca: —Shinashpaca, Cristo nishca Jesustaca, ¿imatatac ruhuachun ninguichic?— nirca. Shina nicpimi, tucui paicunaca: —¡Paitaca chacatailla!— nircacuna.

MARCOS 6:3

¿Manachu Mariapac huahua carpintero? ¿Manachu Jacobopac, Josepac, Judaspac, Simonpac huauqui? ¿Manachu paipac panicunaca cai llactapi ñucanchic-huan causan?— nishpami, mana crircacuna.

SAN LUCAS 1:27

Davidpac huahua huahuapuramanta Josehuan cazarangapac ari nishca, María solteramanmi huillangapac rirca.

SAN LUCAS 2:48

Taita mama Jesusta ricushpaca, mancharircami. Chaimantami paipac mamaca: —Huahua, ñucanchicca yallita mancharishpami mashcacurcanchic. ¿Imamantatac caita ruhuangui?— nirca.

SAN LUCAS 2:7

Pozana huasi mana pactashcamantami, paipac punta cari huahuataca huagracuna shayana ucupi sajuarirca. Chai huahuataca maitushpami, ucsha jahuallapi sirichirca.

SAN LUCAS 3:23

Jesús huillanata callarishpaca, ña quimsa chunga huatayuc shinami carca. Gentecuna Jesustaca Josepac churi cashcatami yuyarca. Joseca Elipac churimi carca.

SAN LUCAS 4:22

Shina sumacta rimashcamantami, tucui uyaccunaca mancharishpa, Jesusmanta allita rimarcacuna. Chaimantami caishuc chaishuc tapushpaca: —¿Caica manachu Josepac churi?— ninacurca.

SAN JUAN 4:25

Shina nicpimi, chai huarmica: —Cristo nishca Mesías shamuna cashcataca yachanimi. Pai shamushpami, tucuita alli huillanga— nirca.