MARCOS 9:20 - Dios Rimashcata Quillcashcami

²⁰ Ña apamucpica, supai Jesusta ricushpaca, huambrata chucchuchishpami urmachirca. Huambraca shimiman puscuta shitashpami singurca.

Nuevo Testamento en Quichua Cañar 1996

²⁰ Ña apamucpi Jesusta supai ricushpaca, chai huambrataca chucchuchishpami pambaman urmachirca. Shinallatac huambraca shimiman puscuta shitashpami singurca.

MARCOS 9:20 ပူးပေါင်းရင်းမြစ်များ

MARCOS 1:26

Chai supaica chai runata munai chucchuchishpa, sinchita caparishpami llucshi rirca.

MARCOS 9:18

Chai supaimi maipipish japishpa urmachinlla. Quiru canirishpa, shimiman puscuta shitashpami, mana cuyurishpa siricunlla. Cambac yachacuccunamanpish supaita llucchichun mañarcani. Paicunaca supaita mana llucchi pudircachu— nirca.

MARCOS 9:19

Shina nicpimi Jesusca: —¡Aij, mana cric gentecunalla! Cancunahuanca, ¿maicamantac yachachishpa causacushalla? ¿Maicamantac llaquita apacushalla? Huambrata caiman apamuichic— nirca.

MARCOS 9:21

Jesús huambrapac taitata tapushpaca: —¿Ima horamantatac huambraca cashna causan?— nirca. Shina tapucpi taitaca: —Huahuamanta pachami cashna causan.

MARCOS 9:26

Chashna rimacpimi, supaica caparishpa, huambrata chucchuchishpa llucshirca. Huambraca huañushca shinami pambapi saquirirca. Chaita gentecuna ricushpaca: —Ña huañun— ninacurca.

SAN LUCAS 4:35

Chashna nicpimi Jesusca: —¡Upallai, cai runamanta llucshi!— nirca. Shina nicpimi, supaica chai runata tucuipac ñaupapi pambaman shitashpa, mana ashtahuan imata ruhuashpa, llucshishpa rircalla.

SAN LUCAS 8:29

Jesús chai runamanta supaita “llucshi” nicucpimi, chashna caparirca. Tauca cutinmi chai supaica llaquichic carca. Chaimantami maquicunatapish, chaquicunatapish cadenacunahuan huatashpa charic carca. Chashna huatacpipish, cadenacunata pitishpami, shitashca pambaman supai apacpi, riclla carca.

SAN LUCAS 9:39

Paitaca supai japishpami, yuyaita chingachishpa caparichicun. Shimiman puscuta shitachishpami, llaquinayaita punzhanta chucchuchicun.

SAN LUCAS 9:42

Jesuspacman chai huambra cuchuyacucpica, cutinllatacmi supaica chucchuchishpa, pambaman urmachirca. Jesusca chai supaita sinchita rimashpami, llucchishpa cacharca. Chashnami alliyashca huambrata taitaman curca.

SAN JUAN 8:44

Cancunaca diablopac huahuacunami canguichic. Chaimantami pai munashcata ruhuanguichic. Diabloca callarimanta pachami huañuchic, llullac cashca. Paica jaicapi mana cashcata ninchu. Paica llullapac taitami. Pai llullashpaca, pai ima shina cashca shinallatacmi ricuchin.

1 PEDRO 5:8

Cancunata mana ricunayachic diabloca león yarcaihuan micusha nishpa puricuc shinami, mashcashpa puricun. Shina cashcamanta riccharishca shina, alli yuyaihuan causaichic.