MARCOS 7:22 - Dios Rimashcata Quillcashcami

²² shuhuancuna, charicyanata munancuna, pitapish llaquichincuna, umancuna, mana pingancuna, envidiancuna, llullancuna, jatun tucuncuna, yuyai illac tucuncuna.

Nuevo Testamento en Quichua Cañar 1996

²² shuhuancuna, yallita charicyana yuyailla cancuna, pitapish llaquichincuna, umancuna, pingai illacpish tucuncuna, shuccuna ama charichun nishpa munancuna, imatapish llullashpa purincuna, quiquinlla alli cashcata yuyancuna, yuyai illacpish tucuncuna.

MARCOS 7:22 ပူးပေါင်းရင်းမြစ်များ

2 CRÓNICAS 32:31

Ashtahuanpish Judá llactapica ima jatun llaquicunata, jatun mancharinacunata ruhuashcata yachachunmi, Babilonia llactata mandaccunaca maijan tapuccunata cacharcacuna. Mandac Diosca Ezequías paipac shungupi ima shina yuyashcata yachangapacmi, chai tapuccuna shamucpica, paimanta anchurirca.

SALMOS 10:4

Millaita ruhuacca ñahui shuctacyashpa jatun tucushpami Diostaca mana mashcan. Paica Dios mana tiyashcatami yuyan.

SALMOS 119:36

Ñuca shungutaca ima shina causanata can yachachishcata cazuchun ayudaiyari. Charinallata munachunca ama saquinguichu.

PROVERBIOS 12:23

Alli yuyaiyuc runaca pai yachacushcataca shungupimi huacaichin. Ashtahuanpish yuyai illac runaca yuyai illac cashcatami ricuchin.

PROVERBIOS 22:15

Mosocunapac shungupica yuyai illac canaca aichayashca shinami. Ashtahuanpish anguhuan macashpa yachachicpica, paimanta anchuringami.

PROVERBIOS 23:6

Ama misa runahuan micungapac tiyaringuichu. Chai sumaimana micunata ama munanguichu.

PROVERBIOS 24:9

Yuyai illac runaca juchallatacmi yuyarin. Burlashpa asic runaca gentecunapac ñaupapica millashcami.

PROVERBIOS 27:22

Yuyai illac runaca cutana rumipi trigota cutac shina, cutin cutin tigrachishpa tacacpipish manatac entendingachu.

PROVERBIOS 28:22

Misa runaca utca chayucyanallatami munashpa causan. Ashtahuanpish huaccha tucunataca mana yachanchu.

ECLESIASTÉS 7:25

Chaimantami cutinllatac alli yachangapac, ima shina cacta ricungapac, allita yachac cangapac, yuyaita charingapacpish cutin ricurcani. Shinami yuyaita mana charishpa, mana allita ruhuashpa loco shina pandarishpa causacushcata yacharcani.

ISAÍAS 59:13

Ñucanchicta Mandac Diosta mana cazushpa, paita piñachishpami, paimanta anchurishcanchic. Pitapish llaquichinallata, Diosta mana cazunallatami rimanchic. Pandachishpa llaquipi churanallatami yuyashpa purinchic.

ISAÍAS 59:7

Paicunapac chaquicunaca mana allita ruhuangapacllami callpan. Mana faltayuc runata huañuchishpa yahuarta jichangapacllami utca rin. Paicunaca millaita ruhuanallatami yuyacun. Maita rishpapish llaquichishpa tucuchishpallami purin.

JEREMÍAS 17:9

Runapac shunguca tucuita atishpa llullashpa umacmi. ¿Chaitaca pitac entendinga?

SAN MATEO 20:15

Ñuca cullquihuanca, imata ruhuasha nishpapish ruhuashallami. ¿Chashna allita ruhuacpichu envidiahuan piñaringui?” nirca.

SAN MATEO 6:23

Cambac ñahui mana alli cacpica, tucui cuerpomi amsapi canga. Cambac cuerpopi achicyachic luz amsayacpicarin, ¡amsaca yallita amsami canga!

MARCOS 7:21

Shungu ucumanta millai yuyaicuna llucshicpimi, huainayancuna, millaita ruhuancuna, huañuchincuna,

MARCOS 7:23

Tucui cai yuyaicunami shungumanta llucshishpa, juchayuctaca ruhuan» nirca.

2 CORINTIOS 10:5

Chashnami juchanchiccunatapish, «allimi canchic» nishpa, Diosta ricsinata jarcaccunatapish, tucui chingachishpa gentecunapac yuyaica Cristota cazuchun nishpa paiman chayachinchic.

DEUTERONOMIO 15:9

Cancunapac shungupica ama millai munaicunahuan: “Mañachishcata perdonana huata chayamucunmi” nishpa cancunapac huaccha huauquiman mana mañachingaraicu ama piña ñahuihuan ricunguichicchu. Chai huacchaca Mandac Diosta caparishpa mañangami. Chashna caparicpica, cancunami juchata aparinguichic.

DEUTERONOMIO 28:54

Chaimantami cancunapuramanta cuyanacushpa sumacta causac runapish paipac huauquita, huarmita, saquirishca churita piñailla ricunga.

DEUTERONOMIO 28:56

Chai punzhacunapica cancunapuramanta cuyanacushpa sumacta causac, jaicapi mana lluchu chaquilla allpapi saruc, cuyac huarmipish paipac cuyana cusata, cuyana cari huahuata, huarmi huahuata piña ñahuihuan ricungami.

1 PEDRO 2:15

Imata mana yachac upacuna cancunata ama juchanchichunca, allita ruhuachunmi Diosca munan.

1 PEDRO 5:5

Chai shinallatac quipa huiñaicunapish, pushaccuna ima nishcata cazuichic. Mana jatun tucushpami tucuillatac caishuc chaishuc-huan cazunacuna canguichic. Diosca: «Jatun tucushcacunataca piñanimi. Mana jatun tucushcacunataca cuyanimi» ninmi.