MARCOS 7:15 - Dios Rimashcata Quillcashcami

¹⁵ Imapish shimita yaicucca mana juchayucta ruhuanchu, ashtahuanpish shungumanta llucshic mana alli yuyaimi juchayuctaca ruhuan.

Nuevo Testamento en Quichua Cañar 1996

¹⁵ Imapish shimita yaicucca mana juchayucta ruhuanchu, ashtahuanpish shungu ucumanta llucshic mana alli yuyaicunami juchayuctaca ruhuan.

MARCOS 7:15 ပူးပေါင်းရင်းမြစ်များ

PROVERBIOS 4:23

Tucuimanta yallica cambac shunguta cuidangui. Shungumantami causaica tiyan.

SAN MATEO 12:34

Culebrapac huahuacuna, cancunallatac millai cashpaca, ¿ima shinatac allita rimaringuichic? Shungupi ima yuyaicuna tiyashcatami, shimica riman.

SAN MATEO 15:16

Shina nicpimi, Jesusca: —¿Cancunapish manaracchu entendi pudinguichic?

MARCOS 7:14

Jesús tucui gentecunata cayashpaca: —Tucui mashna uyashpa, alli entendichic:

MARCOS 7:16

Ringrita chariccunaca, alli uyaichic— nirca.

HECHOS 10:28

Chaipimi Pedroca: —Israelcuna, mana israelcunahuan mana tandanacuc cashcataca, cancunallatac yachanguichicmi. Paicunapac huasillamanpish mana chayarina cashcatapish yachanguichicmi. Shina cacpipish, Dios ñucaman ricuchishpaca: “Pitapish ama mana alli nishpa, millanguichu” nirca.

ROMANOS 14:17

Dios mandashca causanaca mana ubianata, micunata yuyashpalla causanachu, ashtahuanpish Diospac Espíritu ayudacpi, cashcata ruhuashpa, cushilla causanami.

1 CORINTIOS 10:25

Aicha catuccuna tucui catushcata, ama caita chaita yuyashpa micuichiclla.

TITO 1:15

Chuya shungucunapacca tucuimi chuya can, millaita ruhuaccunapac, mana criccunapacca, imapish mana allichu can. Paicunapac yuyaipish, paicunapac shungupish mapayashcami can.

HEBREOS 13:9

Cancuna mana ricsishca shuctac doctrinacunata ama chasquinguichicchu. Imacunallata micuna, imacunallata mana micuna nishpa mandashcaca ima allita mana ruhuashcachu. Chaipac randica, Diospac cuyaita shungupi charishpa, sinchiyaichic.

HEBREOS 9:10

Chaica micunapish, ubianapish, tucuilaya maillarinapish cuerpopac alli cashcatami ricuchin. Chai mandashcaca Dios shucta ruhuangacamanmi alli carca.