MARCOS 6:6 - Dios Rimashcata Quillcashcami

⁶ Jesusca chai gentecuna mana crishcamantami yallita llaquirishpa, chai muyundi llactacunapi yachachishpa puricurca.

Nuevo Testamento en Quichua Cañar 1996

⁶ Jesusca chai gentecuna mana cricpimi, mai llaquirishpa, chai muyundic llactacunallapi yachachishpa puricurca.

MARCOS 6:6 ပူးပေါင်းရင်းမြစ်များ

ISAÍAS 59:16

Mandac Diosca chashna millaita ruhuashpa causacucta ricurcami. Chashna ruhuacucpipish, pi mana ayudac tiyacpimi, yallita llaquirirca. Chaimantami paipac poderhuan quishpichirca. Shinami cashcata ruhuac cashcata ricuchirca.

JEREMÍAS 2:11

¿Maijan llactatac paicunapac dioscuna yanga cacpipish, chai dioscunata saquishpa, shuctac dioscunata catishca? Ashtahuanpish ñuca acllashcacunaca paicunapac poderyuc Diosta saquishpami, ruhuashcalla dioscunata catirca.

SAN MATEO 4:23

Jesusca tucui Galilea llacta israelcuna tandanacuna huasipimi yachachishpa puricurca. Dios mandanamanta alli huillaita huillashpami, tucuilaya ungüihuan, nanaihuan cac gentecunatapish alliyachishpa puricurca.

SAN MATEO 8:10

Chaita Jesús uyashpaca mancharircami. Chaimantami paita caticcunataca: —Cashna cric runataca, israelcunapurapipish mana tarishcanichu. Chaica chashnatacmi.

SAN MATEO 9:35

Jesusca tucui pueblocunatapish, llactacunatapish purishpami, israelcuna tandanacuna huasicunapi yachachirca. Dios mandacucmanta alli huillaita huillashpami, tucuilaya ungushcacunatapish alliyachishpa, nanaicunatapish anchuchishpa puricurca.

MARCOS 1:39

Jesusca tucui Galilea llacta israelcuna tandanacuna huasicunapimi huillarca. Runacunamantapish supaicunata llucchishpa cacharcami.

MARCOS 10:1

Jesusca Capernaúm pueblomanta llucshishpaca, Jordán yacuta pasashpa, Judea llactamanmi rirca. Jesusca achca gentecuna tandanacumucpimi, pai yachachic cashca shinallatac cutin yachachi callarirca.

SAN LUCAS 13:22

Jesús Jerusalenman ricushpaca, pueblocunapipish, uchilla llactacunapipish yachachishpami rirca.

SAN LUCAS 4:31

Jesusca Galilea llacta Capernaúm puebloman rishpami, samana punzhacunapi yachachicurca.

SAN LUCAS 4:44

Chashnami Jesusca Galilea llacta tandanacuna huasicunapi huillashpa purirca.

SAN JUAN 9:30

Shina nicpimi, chai runaca: —Cancuna pai maimanta shamushcata mana yachanaca shuc mancharinami. Paimi ñuca ñahuita alliyachirca.

HECHOS 10:38

Diosca Nazaret pueblomanta Jesusman paipac Espirituta cushpami, poderyucta ruhuarca. Dios paihuan cashcamantami Jesusca maipipish allita ruhuashpa, llaquichic Satanás japishcacunatapish alliyachishpa purirca.