MARCOS 6:39 - Dios Rimashcata Quillcashcami

³⁹ Shina nicpimi Jesusca: —Chai gentecunata chai quihua pambapi asha asha raquishpa tiyachichic— nishpa mandarca.

Nuevo Testamento en Quichua Cañar 1996

³⁹ Shina nicpi Jesusca: —Chai gentecunata chai q'uihua pambacunapi asha asha raquirinacushpa tiyarichun nigrichic— nishpami, yachacuccunata mandarca.

MARCOS 6:39 ပူးပေါင်းရင်းမြစ်များ

1 REYES 10:5

Shinallatac paipac micunatapish, paita serviccuna causana ucucunatapish, chai serviccunapac churanacunatapish, paiman ima shina vinota cuc cashcatapish ricurcami. Shinallatac Mandac Diospac huasipi animalcunata cushpa tucui rupachictapish ricurcami. Chaita ricushpami, yallita mancharishpa saquirirca.

SAN MATEO 15:35

Shina nicpimi, Jesusca gentecunata chai pambapi tiyachichun mandarca.

MARCOS 6:38

Jesusca: —Cancunaca, ¿mashna tandatatac charinguichic? Ricungapac richic— nirca. Paicuna cutimushpaca: —Pichca tanda, ishcai challuallatami charinchic— nirca.

MARCOS 6:40

Chaimantami tucui chaipi caccunaca maipica patsac, maipica pichca chunga tiyarirca.

SAN LUCAS 9:14

Chaipica pichca huaranga yalli runacunami carca. Jesusca paipac yachacuccunataca: —Pichca chunga, pichca chunga raquishpa tiyachichic— nirca.

SAN JUAN 6:10

Shina nicpimi Jesusca: —Gentecunata tiyarichun nichic— nirca. Chaipi tiyariccunaca caricunallami pichca huaranga shinami carca. Chai pambapica achca quihuami tiyarca.

1 CORINTIOS 14:33

Chaica, Diosca mana maipish cachun causachun munanchu. Ashtahuanpish sumac causaita cuc Diosmi. Diospaclla cac tandanacushca criccuna imata ruhuac cashca shinami,

1 CORINTIOS 14:40

Ashtahuanpish imata ruhuashpapish, allita ruhuaichic. Ama maipish cachun ruhuaichicchu.