MARCOS 6:31 - Dios Rimashcata Quillcashcami

³¹ Achca gentecuna rin, cutin puricucpimi, ima shina micunallatapish mana pudircacuna. Chaimantami Jesusca yachacuccunataca: —Shitashca pambaman shamushpa, samarichic— nirca.

Nuevo Testamento en Quichua Cañar 1996

³¹ Jesús chaipi cacpimi, achca gentecuna rin, cutin puricurcacuna. Chaimantami ima shina micunallatapish mana pudishpa, Jesusca paipac yachacuccunallata: —Jacuchic, ñucanchiclla pi mana ricuipacpi samarishun— nirca.

MARCOS 6:31 ပူးပေါင်းရင်းမြစ်များ

SAN MATEO 14:13

Jesús, Bautizac Juan huañushcata yachashpaca, paillami canoapi tiyarishpa, shitashca pambaman rirca. Shina ricpipish, achca gentecunami paicunapac pueblocunamanta llucshishpa, chaquillahuan catirca.

MARCOS 1:45

Ashtahuanpish chai runaca, ima shina alliyashcataca tucuimanmi parlai callarirca. Chaimantami Jesusca mai pueblomanpish mana yaicui pudishpa, shitashca pambacunapi puricurca. Shina cacpipish, tucui llactacunamantami paipacman shamuc carca.

MARCOS 3:20

Chaimantaca huasimanmi cutimurca. Cutinllatac huasipi achca gentecuna jundaricpimi, micunallatapish mana pudircacuna.

MARCOS 3:7

Jesús paipac yachacuccunahuan cucha pataman ricpimi, Galilea llacta achca gentecuna paitaca catishpa rircacuna.

SAN JUAN 6:1

Chai quipaca, Jesusca Galilea cucha chimba ladomanmi rirca. Chai cuchallatacmi Tiberias shutipish carca.