MARCOS 6:21 - Dios Rimashcata Quillcashcami

²¹ Herodías munashca punzhami chayarca. Chaica, Herodesmi pai huacharishca huata pactacpi, fiestata ruhuashpa, llactata mandaccunatapish, soldadocunata mandaccunatapish, Galilea llactata pushaccunatapish jatun micuiman cayarca.

Nuevo Testamento en Quichua Cañar 1996

²¹ Herodes huacharishca huata pactacpimi, fiestata ruhuacurca. Chai jatun micuimanmi Herodesca chai llactata mandaccunatapish, soldadocunata mandaccunatapish, Galilea llactata pushaccunatapish c'ayarca. Chai punzhami huarmi Herodiasca pai munacushcata pactachirca.

MARCOS 6:21 ပူးပေါင်းရင်းမြစ်များ

GÉNESIS 27:41

Esauca Jacoboman paipac taita bendicionta cushcamantami paita mana ricunayachishpaca: «Ñallami ñuca taita Isaacca huañunga. Pai huañucpica, Jacobotapish huañuchishami» nishpami yuyacurca.

GÉNESIS 40:20

Quimsa punzha quipaca jatun mandac Faraonpac huacharishca punzha pactacpimi, jatun mandacca tucui paita serviccunaman jatun micuita caracurca. Chai serviccunapac ñaupapimi, vinota serviccunata mandacta, shinallatac tandata ruhuaccunata mandacta carcelmanta llucchimuchun cacharca.

ESTER 2:18

Chai quipami jatun mandacca Esterta alli nishpa pai churashca tucui mandaccunamanpish, paita serviccunamanpish jatun micuita ruhuarca. Shinallatac llactacunapica impuestotami ashallata pagachun nirca. Jatun mandac cashcamantami ima allicunatapish mana llaquirishpa achcata paicunaman curca.

ESTER 3:7

Nisán nishca callari quillapi jatun mandac Asuero chunga ishcai huatata mandacucpimi, Pur nishca suerteta ruhuarca. Chaica Judá llacta gentecunata ima punzha, ima quilla, ima huata Amanpac ñaupapi huañuchinata yachangapacmi chashna suerteta ruhuarca. Chai suerteca Adar nishca chunga ishcai quillapimi urmarca.

OSEAS 7:5

Jatun mandacpac fiesta punzhapica, caishuc mandaccunaca vinota ubiashpami unguchirca. Chashna ruhuacpimi, mana cazushpa asiccunahuan maquinacurca.

SAN LUCAS 3:1

Jatun mandac Tiberioca chunga pichca huatatami Roma llactata mandacurca. Poncio Pilatoca Judea llactata, Herodesca Galilea llactata, paipac huauqui Felipeca Iturea llactatapish, Traconite llactatapishmi mandacurca. Cutin Lisaniasca Abilinia llactatami mandacurca.

HECHOS 25:23

Quipa punzhami Agripapish, paipac pani Berenicepish sumac churanacunata churarishpa, soldadocunata mandaccunahuan, chai pueblopi mandaccunahuan, Festo mandana ucuman shamurca. Paicuna chayamucpimi, Festoca Pablota apamuchun cacharca.

1 PEDRO 4:3

Cancunaca tauca huatacunatami Diosta mana ricsiccuna shina, mana allicunallata ruhuashpa, imapish mapa munaicunata ruhuashpa, jatun micuicunata micushpa, machashpa, shinallatac millanayai ruhuashcalla dioscunata adorashpa, mana allita ruhuashpa causarcanguichic.

APOCALIPSIS 11:10

Dios ima nishcata huillac chai ishcaicunaca yallitami cai pachapi causaccunataca llaquichishca carca. Chaimantami chai ishcai huañushcata ricushpaca, yallita cushicushpa, caishuc chaishuc imatapish caranacunga.