MARCOS 6:20 - Dios Rimashcata Quillcashcami

²⁰ Herodesca Juantaca cashcata ruhuac, Diospaclla causactami yacharca. Chaimantami paita manchashpa, cuidashpa charirca. Imata ruhuanata yuyacushpapish, Juan huillacpica, cushillami uyac carca.

Nuevo Testamento en Quichua Cañar 1996

²⁰ Juantaca cashcata ruhuac, Diospaclla causactami Herodesca yacharca. Chaimantami paita manchashpa, mana imata ruhuachishpa alli charirca. Imata ruhuanata yuyacushpapish, Juan huillacpica, cushilla uyacllami carca.

MARCOS 6:20 ပူးပေါင်းရင်းမြစ်များ

1 REYES 21:20

Acabca Eliasta ricushpaca: —Ñucahuan mana alli cac runami caipi tupangapac shamushcangui— nirca. Shina nicpimi Eliasca: —Canllatac caturic shina, Mandac Diospac ñaupapi mana allita ruhuashcamantami canhuan tupangapac shamuni.

2 REYES 13:14

Eliseoca huañuna ungüihuanmi yallita ungurca. Israel llactata jatun mandac Joasca ricungapacmi urai shamurca. Paipac ñaupapi huacashpaca: —¡Ñuca taitalla, ñuca taitalla! ¡Canca macanacuna carretacunata, caballopi ric soldadocuna shinamari israelcunapacca cangui!— nirca.

2 REYES 6:21

Israel llactata jatun mandac paicunata ricushpami Eliseotaca: —Ñuca taitalla, ¿paicunataca huañuchishachu? ¿Huañuchishallachu?— nirca.

2 CRÓNICAS 24:2

Joasca Joiada cura causacui tucui punzhacunami Mandac Diospac ñaupapica allita ruhuashpa causarca.

2 CRÓNICAS 26:5

Zacarías causacui punzhacunapica Zacarías Diosta manchanata allita yachachishcamantami Uziasca Mandac Diosta servishpa causarca. Usaías Mandac Diosta servishpa causai punzhacunapica tucuimi alli llucshirca.

ÉXODO 11:3

Mandac Diosca israelcuna mañashcata cuchunmi, Egipto runacunamanca cuyac shunguta curca. Moisespish tucui Egipto llactapi alli nishcami carca. Faraonta serviccunapacpish, tucui gentecunapacpish alli nishcami carca.

EZEQUIEL 33:32

Riqui, canca paicunapacca cuyaimanta sumacta cantac, sumacta tocac shinami cangui. Can huillashcata uyashpapish mana pactachincunachu.

DANIEL 4:18

Cai muscuitaca jatun mandac Nabucodonosor ñucami muscurcani. Cai muscushca imata nisha nicushcataca tucui ñuca mandana llactacunapi causac yachaccunaca mana huillai pudircachu. Chaimanta can Beltesasar huillaiyari. Canpica jucha illac dioscunapac espiritumi causan. Chaimantami cai muscui imata nisha nicushcataca huillai pudingui” nircani» nirca.

DANIEL 4:27

Chaimanta jatun mandaclla, ñuca cunashcata uyaiyari. Cashcata ruhuashpa, juchamanta llucshiyari. Huacchacunata llaquishpa, millaita ruhuanamanta anchuriyari. Chashna cushilla causanguipishchari.

DANIEL 5:17

Shina nicpimi, jatun mandactaca: —Cambac carashcaca canllamanta cachun. Shina cacpipish, ñucaca chai quillcata rezashami. Shinallatac chai quillcashca imata nisha nicushcatapish huillashami.

SAN MATEO 14:5

Herodesca Juanta huañuchisha nicushpapish, gentecunata manchashpami, mana huañuchirca. Chaica, Juantata Dios ima nishcata huillacmi nicmi carca.

SAN MATEO 21:26

Cutin: “Runacunallami cacharca” nicpica, gentecuna piñaringami. Juantaca tucui gentecunami ‘Dios ima nishcata huillacmi’ nincuna— ninacurca.

MARCOS 11:18

Chaita uyashpaca, mandashcacunata yachachiccunapish, curacunata mandac curacunapish Jesustaca ima shina huañuchinatami yuyaricurca. Chaica, tucui gentecunami “Jesusca allitami yachachin” nic carca. Chaimantami manchashpa huañuchinata munarca.

MARCOS 4:16

Rumi allpapi urmashca muyu shinaca, alli huillaimanta huillashcata cushilla chasquiccunami.

SAN JUAN 5:35

Juan huillashcaca luz achicyachicuc shinami carca. Cancunaca ashacamanllami achicpi canata munarcanguichic.

HECHOS 2:12

Chashnami tucui mashna mancharishpaca: —¿Imatatac nisha nin?— nishpa tapunacurca.

HECHOS 5:24

Chashna huillashcata uyashpaca, curacunata jatun mandac curapish, Diosta mañana huasita cuidaccunata mandacpish, curacunata mandac curacunapish caishuc chaishuc parlanacushpaca: “Chai runacunaca, ¿imashi tucushca canga?” nishpami tapunacurca.