MARCOS 6:14 - Dios Rimashcata Quillcashcami

¹⁴ Tucui llactacunapimi Jesús imata ruhuashcaca yacharirca. Chaimantami mandac Herodesca: —Bautizac Juanmi huañushcacunapuramanta causarishca canga. Chaimantami paica milagrocunata ruhuacunga— nirca.

Nuevo Testamento en Quichua Cañar 1996

¹⁴ Jesús imata ruhuashpa puricuctaca, tucui gentecunami maipipish parlanacurcacuna. Shina parlanacucta llactata mandac Herodes uyashpami: —Bautizac Juanmi huañushcacunapuramanta causarimushca canga. Shina cashpami, paica pi mana ruhuaipaccunata ruhuacunga— nirca.

MARCOS 6:14 ပူးပေါင်းရင်းမြစ်များ

2 CRÓNICAS 26:15

Jerusalenpipish imallata ruhuanata alli yachaccunamanmi jatun macanacunata ruhuachirca. Chaicunataca torrecunapi, pueblo pungucunapimi flechacunata, jatun rumicunata shitangapac churarca. Mandac Dios Uziasta tucuipi alli pushacpimi, pai yalli jatun cashcataca caru llactapi causaccunapish yachac chayarca.

2 CRÓNICAS 26:8

Amonitacunaca impuestotami Uziasman curcacuna. Uzías yallita jatun cashcataca Egipto llacta linderocamanmi yacharcacuna.

SAN MATEO 9:31

Ashtahuanpish chai paicuna chaimanta rishpaca, tucui llactacunapimi Jesús imata ruhuashcataca huillarca.

MARCOS 1:28

Jesusmantaca Galilea llacta muyundipi tucui causaccunami chayarcacuna.

MARCOS 1:45

Ashtahuanpish chai runaca, ima shina alliyashcataca tucuimanmi parlai callarirca. Chaimantami Jesusca mai pueblomanpish mana yaicui pudishpa, shitashca pambacunapi puricurca. Shina cacpipish, tucui llactacunamantami paipacman shamuc carca.

MARCOS 8:28

Chashna tapucpimi paicunaca: —Maijancunaca Bautizac Juan cashcata, maijancunaca Dios ima nishcata huillac Elías cashcata, maijancunaca Dios ima nishcata huillaccunapuramanta maijan cashcatami yuyancuna— nirca.

SAN LUCAS 13:31

Chai punzhallatacmi maijan fariseocuna Jesuspacman chayamushpaca: —Mandac Herodesmi canta huañuchisha nicun. Caimanta utca rilla— nirca.

SAN LUCAS 3:1

Jatun mandac Tiberioca chunga pichca huatatami Roma llactata mandacurca. Poncio Pilatoca Judea llactata, Herodesca Galilea llactata, paipac huauqui Felipeca Iturea llactatapish, Traconite llactatapishmi mandacurca. Cutin Lisaniasca Abilinia llactatami mandacurca.

SAN LUCAS 7:17

Jesús chashna ruhuashcaca tucui Judea llactapi, muyundi llactacunapimi yacharirca.

SAN LUCAS 9:19

Chashna tapucpimi paicunaca: —Maijancunaca: “Bautizac Juanmi” nincunami. Maijancunaca: “Dios ima nishcata huillac Eliasmi” nincunami. Maijancunaca: “Dios ima nishcata ñaupa huillaccunamanta maijanmi causarimushca canga” nincunami— nirca.

1 TESALONICENSES 1:8

Chaica, cancuna crishcataca mana Macedonia llactallapi, mana Acaya llactallapichu yachac chayashcacuna, ashtahuanpish tucui llactacunapimi cancunamanta uyashpaca, Diosmanta alli huillaita yachac chayashcacuna. Chaimantami cancuna alli crishcataca ña mana huillana canchic.

HEBREOS 2:4

Diospish mancharinacunata, milagrocunata ruhuashpa, pai munashca shina paipac Espirituta cushpa, chashnatac cashcata ricuchirca.