MARCOS 5:43 - Dios Rimashcata Quillcashcami

⁴³ Jesusca huambrata causachishcata ama piman huillachunmi cutin cutin mandarca. Shinallatac huambraman carachunpish mandarcami.

Nuevo Testamento en Quichua Cañar 1996

⁴³ Jesusca: —Paita causachishcataca, pacta piman huillanguichicman— nishpami mandarca. Chai q'uipaca: —Cai huambraman micunata caraichic— nircami.

MARCOS 5:43 ပူးပေါင်းရင်းမြစ်များ

SAN MATEO 17:9

Jesús yachacuccunahuan urcumanta cutishpaca: —Cai ricushcataca Runa Tucungapac shamushca huañushpa, causaringacaman paimanta ama huillanguichicchu— nishpami mandarca.

SAN MATEO 8:4

Shinallatac Jesusca: —Riqui, canta alliyachishcataca, pacta piman huillanguiman. Cunanca Israel curaman ricuchishpa, Moisés mandashca shinallatac ofrendata cugringui— nirca.

SAN MATEO 9:30

Paicunapac ñahuica pascarircami. Chaimantami Jesusca: —Pacta cancuna alli tucushcata piman huillanguichicman— nirca.

MARCOS 1:43

Chai runata Jesús cachacushpaca:

MARCOS 3:12

Chaimantami Jesusca pai pi cashcata ama huillachun mandarca.

MARCOS 5:42

Shina nicpica, huambraca jatarishpa, puri callarircami. Chaimantami gentecunaca yallita mancharirca. Chai huambraca chunga ishcai huatayucmi carca.

MARCOS 7:36

Ña alliyachishpaca, Jesusca piman ama huillachunmi cutin cutin rimashpa mandarca. Chashna nicpipish, ashtahuanmi pimanpish parlashpa purirca.

MARCOS 9:9

Chai urcumanta cutimushpaca, Jesusca chai quimsa yachacuccunataca chai ricushcataca, Runa Tucungapac shamushca Huañushcacunapuramanta causaringacaman ama piman huillachunmi mandarca.

SAN LUCAS 24:30

Paicunahuan micungapac tiyacushpami, tandata japishpa, Diosta pagui nishpa, chaupishpa paicunaman curca.

SAN LUCAS 5:14

Chashna alliyachishpami Jesusca: —Pi alliyachishcataca, ama piman huillanguichu. Cunanca, Israel curaman ricuchigri. Can alliyashcamantaca, Moisés mandashca shina, ofrendata cungui. Chashna ruhuacpimi yachangacuna— nirca.

SAN LUCAS 8:56

Chaita ricushpa, taita mancharicucpimi, Jesusca, pai alliyachishcata ama piman huillachun mandarca— nirca.

SAN JUAN 5:41

Gentecunalla ñucata alli nichunca mana munanichu.

HECHOS 10:41

Mana tucuimanchu ricuchirca. Ñucanchic imalla ricushcata huillachun, Dios ñaupaman acllashcacunallamanmi ricuchirca. Huañushcacunapuramanta Jesús causaricpica, ñucanchicca paihuanmi micurcanchic, ubiarcanchic.