MARCOS 4:8 - Dios Rimashcata Quillcashcami

⁸ Maijan muyuca alli allpapi urmashpami alli huiñashpa, shucmanta quimsa chungata, maijanca sucta chungata, maijanca patsac granota pucurca” nirca.

Nuevo Testamento en Quichua Cañar 1996

⁸ Ashtahuanpish maijan muyuca alli allpapimi urmarca. Chaimantami alli huiñashpa, maijanca shucmanta quimsa chungata, maijanca sucta chungata, maijanca pasac granota p'ucurca” nirca.

MARCOS 4:8 ပူးပေါင်းရင်းမြစ်များ

GÉNESIS 26:12

Isaacca chai llactapimi tarpushpa causarca. Mandac Dios bendiciacpimi, chai huataca shuc granomanta patsac granota tandarca.

ISAÍAS 58:1

Mandac Diosca: «¡Sinchita caparishpa huillaiyari! Trompetapi tocac shina mana manchashpa capariyari. ¡Ñuca acllashcacuna mana cazushcatapish, Jacobopac huahuacuna juchata ruhuashcatapish huillaiyari!

JEREMÍAS 23:29

Ñuca rimashcaca, ¿manachu nina japiricuc shina? Shinallatac, ¿manachu rumita paquic martillo shina?

SAN MATEO 13:23

Alli allpapi urmashca muyu shinaca, Dios rimashcata allita entendicmi. Chaica allita pucushpa maijanca shucmanta quimsa chungata, maijanca sucta chungata, maijanca pasacta pucuc shinami tucun— nirca.

SAN MATEO 13:8

Ashtahuanpish maijan muyuca alli allpapimi urmarca. Chaimantami allita pucushpa, maijanca shucmanta pasacta, maijanca sucta chungata, maijanca quimsa chungata pucurca.

MARCOS 4:20

Alli allpapi tarpushca muyu shinaca, alli huillaita shungupi chasquiccunami. Chaimantami shuc muyumanta quimsa chungata, maijancunaca sucta chungata, maijancunaca patsac granota pucuc shina tucuncuna— nirca.

MARCOS 4:7

Maijan muyuca casha chaupipimi urmarca. Casha huiñashpa aguachicpica, mana pucurcachu.

MARCOS 4:9

Shinallatac Jesusca: —Ringrita chariccunaca, alli uyaichic— nirca.

SAN LUCAS 8:15

Ashtahuanpish alli allpapi urmashca muyuca Dios rimashcata tucui shunguhuan uyashpa, alli cazushpa mana cungariccunami. Chashnami, alli pucuc shina cancuna.

SAN LUCAS 8:8

Cutin maijan muyuca alli allpapimi urmarca. Chai muyuca sumacta huiñashpami, shuc muyumanta patsac granota pucurca» nirca. Chaicunata yachachishpami Jesusca: «Maijanpish ringrita chariccunaca, cai ñuca huillashcata alli uyaichic» nishpa, sinchita nirca.

SAN JUAN 15:5

Ñucaca uvas yurami cani. Cancunaca ramacunami canguichic. Cancunaca ñucahuan shuc shina cashpaca alli pucuc shinami canguichic. Ñucapish shuc shinami cancunahuan casha. Ñucamanta caruyashpaca imata mana ruhuai pudinguichicchu.

SAN JUAN 7:17

Maijanpish Dios munashcata ruhuanata munaccunami, ñuca yachachishcaca ñuca munaimanta cashcata, mana cashpaca Diosmanta cashcata yachac chayancuna.

HECHOS 17:11

Chai pueblopi causaccunaca Tesalónica pueblopi causaccunata ashtahuan yalli, uyanata munaccunami carca. Pablo huillashcata allita uyashpaca, ashtahuan yachangapacmi, Dios quillcachishcata punzhanta alli ricuc carcacuna.

EFESIOS 2:21

Jesucristohuan cashpaca, huasi shayaricuc shinami Apunchic Jesucristohuan Diospaclla huasi tucungacaman tucui tandanacushpa, tandanacushca criccunaca huiñashpa catinga.

FILIPENSES 1:11

Cancuna Jesucristollamanta alli grano pucuc shina allita ruhuacpimi, Diostaca “allimari cangui, sumacmari cangui” ningacuna.

COLOSENSES 1:6

Cai alli huillaimi alli grano pucuc shina, tucui llactacunapi mirarishpa caticun. Cancunapipish Diospac cuyaimanta parlanacucta uyashpami, Dios yallita cuyac cashcata yachashca punzhamanta pacha mirarishpa caticunguichic.