MARCOS 4:38 - Dios Rimashcata Quillcashcami

³⁸ Jesusca canoa huasha ladopimi saunarishpa sueñucurca. Chaimantami paipac yachacuccunaca: —Yachachic, ¡ñucanchicca ñami ucuyagrinchicca! ¿Manachu llaquingui?— nishpa ricchachirca.

Nuevo Testamento en Quichua Cañar 1996

³⁸ Jesusca canoa huasha ladomanmi, saunata churashpa suiñucurca. Shina suiñucucpica, paipac yachacuccunaca: —Yachachic, ¡ñucanchicca ñami ucuyagrinchic! ¿Ñucanchicta manachu llaquingui?— nishpa ricchachircacuna.

MARCOS 4:38 ပူးပေါင်းရင်းမြစ်များ

ISAÍAS 63:15

Jahua pachamanta ñucanchicta ricuiyari. Can causana, cambaclla sumaimana huasimanta chapaiyari. ¿Maipitac cambac jatun cuyaica? ¿Maipitac cambac poderca? ¿Maipitac ñucanchicta tucui shunguhuan llaquichicca? ¿Manachu llaquingui?

ISAÍAS 64:12

Mandac Dioslla, cai tucuita ricushpaca, ¿manachu imata ruhuagringui? ¿Chashna upalla saquishpachu, ñucanchictaca llaquichicunguilla?

LAMENTACIONES 3:8

Ñuca yallita caparishpa mañacpipish, ñuca mañashcata mana uyasha ninchu.

SAN MATEO 22:16

Chashna yuyarishpami, paicunapac yachacuccunatapish, mandac Herodespac runacunatapish tapuchun cacharca. Shina cachacpi, paicuna rishpaca: —Yachachic, canca imapish cashcallatami yachachingui. Dios munashca shina causachunmi allita yachachingui. Canca mana manchashpa, mana piman tucushpami yachachingui.

SAN MATEO 8:25

Chaimantami paipac yachacuccuna Jesusta ricchachingapac rishpaca: —Apunchic Jesús, ¡ña ucuyagrinchicca! ¡Ñucanchicta quishpichiyari!— nirca.

MARCOS 4:37

Chashna ricucpimi, huaira sinchita jatarishpa, yacuta caiman chaiman cuyuchi callarirca. Chaimantami canoapi yacu jundai callarirca.

MARCOS 4:39

Jesús jatarishpa, huairatapish cuchatapish rimashpaca: —¡Casilla cai!— nishpami, nircami. Shina nicpimi, huairapish, cuchapish casilla tucurca.

SAN LUCAS 8:24

Chaimanta yachacuccuna Jesuspacman cuchuyashpaca: —¡Yachachic, Yachachic, ñami ucuyagrinchic!— nishpa ricchachirca. Jesús riccharishpa, huairatapish, yacutapish rimacpica, casilla tucurcallami.

SAN JUAN 4:6

Chaipimi Jacobopac yacu junduca tiyarca. Chaupi punzha shina cacpimi, Jesusca shaicushpa, yacu jundu cuchupi tiyarirca.

HEBREOS 2:17

Paica, ayudangapacca paipac huauquicuna shinami tucurca. Chashna ayudashpami jatun mandac cura tucushpa, llaquishpa tucui gentecunapac juchacunata anchuchirca. Chashnami Diosta tucuita cazushpa servirca.

HEBREOS 4:15

Ñucanchic mana catinata pudicucpi, llaquishpa ayudac jatun mandac curatami charinchic. Paipish ñucanchic shinallatacmi llaquita aparca. Shina cashpapish jaicapi mana juchallircachu.

1 PEDRO 5:7

Ima llaquicuna japicpipish, Diospac maquipi churaichic. Paica cancunata cuidacunmi.