MARCOS 4:35 - Dios Rimashcata Quillcashcami

³⁵ Chai punzha, ña tutayacucpimi Jesuaca: —Cai cucha yacuta pasashun— nirca.

Nuevo Testamento en Quichua Cañar 1996

³⁵ Chai chishillatacmi ña tutayagricucpica: —Cai jatun cucha yacuta chimbashun— nishpa, Jesusca paipac yachacuccunata nirca.

MARCOS 4:35 ပူးပေါင်းရင်းမြစ်များ

SAN MATEO 14:22

Chaimantaca Jesusca paipac yachacuccunata canoapi huichicushpa, cucha chimba ladoman ñaupachishpa cacharca. Shinallatac gentecunatapish huasicunaman cacharcami.

SAN MATEO 8:18

Jesusca tauca gentecuna muyushpa shayacucta ricushpami, yachacuccunataca yacu cuchata chimbachun mandarca.

MARCOS 5:21

Jesús cutinllatac canoapi yacuta pasashpa, cucha patapi cacpica, achca gentecunami paipacman tandanacurca.

MARCOS 6:45

Chai quipaca, Jesusca paipac yachacuccunatami canoapi huichicuchishpa, cuchata pasashpa, Betsaida puebloman ñaupachun cacharca. Chaicamanca Jesusca gentecunatami cachacurca.

MARCOS 8:13

Jesusca fariseocunata chaillapi saquishpami, cutinllatac canoapi tiyarishpa chimba ladoman rirca.

SAN LUCAS 8:22

Shuc punzhami Jesusca paipac yachacuccunahuan canoapi tiyarishpaca: —Cai cucha yacuta pasashun— nirca.

SAN LUCAS 8:25

Jesusca yachacuccunataca: —¿Ima nishpatac ñucata mana cringuichic?— nirca. Chashna nicpimi, yallita mancharishpa, caishuc chaishuc tapunacushpaca: —¿Pitac cai runa? Huairapish, yacupish pai nishcataca cazunmi— nishpa nircacuna.

SAN JUAN 6:1

Chai quipaca, Jesusca Galilea cucha chimba ladomanmi rirca. Chai cuchallatacmi Tiberias shutipish carca.

SAN JUAN 6:17

Chaipimi canoapi huichicushpa, Capernaúm puebloman cuchata pasacurca. Ñami tuta carca. Jesusca manarac paicunapacman cutimurcachu.

SAN JUAN 6:25

Gentecuna yacu cuchata pasashpa Jesus-huan tupashpaca: —Yachachic, ¿ima horastac caimanca shamurcangui?— nirca.