MARCOS 4:32 - Dios Rimashcata Quillcashcami

³² ashtahuanpish ña tarpushca huiñashpaca, tucui huertapi tiyac yuracunamanta yallimi tucun. Chai ramacunapimi volac animalcuna shamushpa, llandurincuna— nirca.

Nuevo Testamento en Quichua Cañar 1996

³² ashtahuanpish chai muyuta tarpucpica, tucui yurata atishpami huiñan. Chai ramacunamanmi zhutacuna shamushpa, llandurishpa c'uzharincuna— nirca.

MARCOS 4:32 ပူးပေါင်းရင်းမြစ်များ

SALMOS 104:12

Volac animalcunapish chai yacu uricunapimi causan. Yura ramacunapi tiyarishpami cushilla silbancuna.

SALMOS 91:1

Maijanpish jahua pachapi causac Diospi miticucca tucuita ruhuac Dios cuidashcami causan.

PROVERBIOS 4:18

Ashtahuanpish cashcata ruhuaccunapac ñanca achicyamucucmanta chaupi punzhacaman achicyacuc luz shinami.

CANTARES 2:3

Ñuca cuyashcaca mosocunapac chaupipica, sacha chaupipi manzana yura shinami. Cambac llandupi tiyarinataca yallitami munani. Chai yura pucushcaca ñuca shimipica mishquimari.

ISAÍAS 11:9

Ñucapaclla chicanyachishca urcupica millaita ruhuashpa, tucuchicca mana tiyangachu. Chaica Mandac Diosta ricsina yuyaimi mama cucha yacu jundashca shina, cai pachapica junda canga.

ISAÍAS 32:2

Chai jatun mandacca sinchi huairamanta, acapana huairamanta jarcac shinami canga. Chaquishca pambapi yacu llucshicuc shina, yallita rupai llandurina rumi shinami canga.

LAMENTACIONES 4:20

Mandac Dios aceitehuan cahuishca jatun mandactapish prezu apancunami. Paica ñucanchicman causaita cuc shinami carca. Ñucanchicca paimantaca: «Shuctac llactacunapac chaupipica paipac ladopimi causashun» nicmi carcanchic.

EZEQUIEL 17:23

Chai ramataca Israel llacta jatun urcupimi tarpusha. Chai ramacuna huiñashpaca granota pucushpami, sumac cedro yura tucunga. Tucuilaya zhutacuna shamushpami chai rama ucupi llanduringa.

SAN MATEO 13:32

Mostaza muyuca tucui muyumanta yalli ñutumi. Cutin huiñashpaca, tucui yuracunamanta yallimi tucun. Chai yurapimi, zhutacunapish cuzhancuna» nirca.

MARCOS 4:31

Dios mandacucca, tarpushca mostaza muyuta shinami. Chai muyuca tucui muyucunamanta ashtahuan ñutumi,

MARCOS 4:33

Jesusca chimbapurashca parlocunahuanmi quishpirinamanta yachachirca. Chashna yachachicushpaca, gentecuna entendinallatami parlacurca.