MARCOS 4:15 - Dios Rimashcata Quillcashcami

¹⁵ Ñanpi urmashca muyu shinaca, alli huillaita uyaccunami. Shina uyacpipish, Satanás shamushpami shungumanta anchuchircalla.

Nuevo Testamento en Quichua Cañar 1996

¹⁵ Alli huillaica, maijan gentecunapica ñanpi urmashca muyu shinami tucun. Quishpirinamanta huillashcaca paicunapac shungupica tarpushca shinami can, ashtahuanpish chai uyashcataca Satanás*f** shamushpa cungachinllami.

MARCOS 4:15 ပူးပေါင်းရင်းမြစ်များ

GÉNESIS 19:14

Chaimanta Lot llucshishpa, paipac ushicunahuan cazaragricuc yernocunataca: —¡Mandac Diosca cai llactata llaquichigrinmi! Chaimanta jatarichic, llucshichic— nirca. Shina nishcaca paipac yernocunamanca burla shinallami carca.

ISAÍAS 53:1

Ñucanchic huillashcataca, ¿pitac crishcayari? Mandac Diospac podertaca, ¿pitac ricushcayari?

ZACARÍAS 3:1

Chai quipaca Josué Mandac Diospac angelpac ñaupapi shayacuctami ricurcani. Josuepac alli ladopica Satanasmi paita juchanchingapac shayacurca.

SAN MATEO 13:19

Ñanpi urmashca muyu shinaca, Dios mandacucmanta huillashcata, uyashpapish mana entendicmi. Dios rimashcata paipac shungupi chasquishcataca, diablo shamushpami chingachinlla.

SAN MATEO 22:5

Chashna cayacpipish, mana uyashpami maijancunaca trabajangapac, maijancunaca catungapac rircacuna.

SAN MATEO 4:10

Shina nicpimi Jesusca: —¡Anchuri caimanta Satanás! Dios quillcachishcapica: “Canta Mandac Diosllata alli ningui, paillata servingui” ninmi— nirca.

MARCOS 4:14

Tarpuc runa shinaca, alli huillaita huillacmi.

MARCOS 4:16

Rumi allpapi urmashca muyu shinaca, alli huillaimanta huillashcata cushilla chasquiccunami.

MARCOS 4:4

Pai tapucucpica, maijan muyuca ñanpimi urmarca. Chai muyutaca zhutacuna shamushpami mururca.

SAN LUCAS 8:12

Ñanpi urmashca muyuca uyaccunami. Shina uyacpipish, paicuna crishpa ama quishpirichunmi, Satanás shamushpa cungachin.

HECHOS 17:32

Huañushcacunapuramanta causarinamanta Pablo huillacpica, maijanca burlashpa asircami. Cutin maijanca: «Shuc punzhami can huillashcataca ashtahuan uyashun» nircami.

HECHOS 5:3

Chaimantami Pedroca Ananiastaca: —Ananías, ¿ima nishpatac Satanasta cambac shungupi yaicuchun saquishpa, Diospac Espirituman llullashpa, allpa catushca cullquita mana tucui apamungui?

2 CORINTIOS 2:11

Chai shina ruhuacpimi, Satanasca ñucanchictaca mana pandachinga. Pai ima shinapish pandachisha nicushcataca allimi yachanchic.

2 TESALONICENSES 2:9

Chai millaita ruhuac runaca Satanás ayudacpi imatapish ruhuaclla cashcahuan shamushpami, milagrocunatapish, pi mana ricushcacunatapish ruhuashpa, llullashpa crichinga.

HEBREOS 12:16

Esaú shina, ama cancunapurapi pipish huainayac tiyachun. Pipish Diosta ama yangapi churachun. Esauca punta churi japina cashcatami plato micunallahuan cambiarca.

HEBREOS 2:1

Chaimantami alli ñanta mana chingachingapac ñucanchic uyashcataca yuyarashpa cana canchic.

1 PEDRO 5:8

Cancunata mana ricunayachic diabloca león yarcaihuan micusha nishpa puricuc shinami, mashcashpa puricun. Shina cashcamanta riccharishca shina, alli yuyaihuan causaichic.

APOCALIPSIS 12:9

Chaimantami jatun dragontaca jahua pachamanta llucchishpa shitarcacuna. Chai dragonmi ñaupa rucu culebra, shinallatac diablo nishcapish, Satanás nishcapish can. Paica tucui cai pachapi causaccunata llullashpa, mana allita ruhuachicmi. Chaimantami paipac angelcunandi cai pachaman llucchishpa shitarcacuna.

APOCALIPSIS 20:10

Chai llullashpa crichic diablotaca azufrehuan rupacuc nina cuchamanmi shitashca carca. Chaillapitami llullashpa huillacpish, manchana animalpish shitashca carca. Chaipica tutapish, punzhapish huiñaitami llaquichishca canga.

APOCALIPSIS 20:7

Huaranga huatacuna pactacpica Satanasca prezumanta cacharishcami canga.