MARCOS 3:5 - Dios Rimashcata Quillcashcami

⁵ Chaimantami muyundipi caccunata ricushpa piñarirca. Jesusca paicuna sinchi shungu cashcamantami yallita llaquirishpa, chai maqui chaquishca runataca: —Maquita chutai— nirca. Chai runa maquita chutacpica, maquica alli tucurcallami.

Nuevo Testamento en Quichua Cañar 1996

⁵ Shina upalla saquiricpimi, paicunata muyundicta p'iñaihuan ricushpa, paicuna sinchi shungu cashcamanta Jesusca munai llaquirirca. Shina llaquirishpami, chai maqui chaquishca runataca: —Maquita chutai— nirca. Shina chutacpica, chai runapac maquica alli tucurcallami.

MARCOS 3:5 ပူးပေါင်းရင်းမြစ်များ

GÉNESIS 6:6

Mandac Dios chaita ricushpaca, shungupi nanarishpami: «Pandachari cai runacunataca ruhuarcani» nishpa llaquirirca.

1 REYES 13:6

Chaimantami jatun mandacca Diospaclla runataca: —Ñuca maqui alli tucuchun, canta Mandac Diosta ñucamanta mañai— nirca. Shina nicpimi, Diospaclla runaca Mandac Diosta mañarca. Shina mañacpimi, jatun mandacpac maquica alli tucushpa, utcapi cashca shinallatac saquirirca.

NEHEMÍAS 13:8

Chaita ricushpami, yallita piñarishpa chai ucumanta Tobías tucui charishcacunata canzhaman llucchishpa shitarcani.

SALMOS 95:10

Chaimantami paicunahuanca chuscu chunga huatata piñarishca carcani. Paicunataca: “Cai gentecunaca pandata yuyashpami, ñuca mandashcacunataca mana yachashun” nircacuna.

SAN MATEO 12:13

Chashna nishpami, chai runataca: —Maquita chutai— nirca. Pai maquita chutacpica, alliyashpa, caishuc maqui shinallatacmi saquirirca.

MARCOS 3:4

Jesús chaipi caccunata tapushpaca: —¿Samana punzhapica allita ruhuanachu alli canga, mana cashpaca mana allita ruhuanachu alli canga? ¿Huañuimanta quishpichinachu alli canga, mana cashpaca huañuchinachu alli canga?— nirca. Ashtahuanpish paicunaca upallami carcacuna.

SAN LUCAS 13:15

Shina nicpimi Apunchic Jesusca: —¡Mishqui shimi, jayac shungu! ¿Manachu samana punzhapi cancunapac huagrata, burrotaca, cacharishpa yacuchingapacca apanguichic?

SAN LUCAS 17:14

Jesús paicunata ricushpaca: —Richic, Israel curacunaman ricuchigrichic— nirca. Chashna paicunaca ñanta ricushpallatacmi alli tucurca.

SAN LUCAS 6:10

Jesús chaipi caccunata muyundita ricushpa, chai runataca: —Maquita chutai— nirca. Shina nicpi, chai runa maquita chutacpica, maquica alli tucurcallami.

SAN JUAN 9:7

Shina llutashpaca: —Cunanca, Siloé uchilla cuchapi jahuaringapac ri— nirca. (“Siloé” nishpaca, “cachashca” nisha ninmi). Chai runa jahuaringapac rishpaca, ñahui ricucucmi cutirca.

ROMANOS 11:25

Cuyashca criccuna, cancuna ama jatun tucuchunmi, Dios manarac piman yachachishcata yachachun munani. Tucui mana israelcuna cringacamanmi, maijan israelcunaca sinchi shungu tucunga.

2 CORINTIOS 3:14

Shina cacpipish israelcunaca mana entendircacunachu. Shinallatac ñaupaman Dios ari nishcataca cunan punzhacamanmi rezashpapish, paicunapac yuyai pañohuan jarcashca shina cacpi, mana entendincuna. Chai jarcashca pañotaca Jesucristollami anchuchin.

EFESIOS 4:18

Paicunaca amsa yuyaillata charishpami, mana alli yuyaita japincuna. Diosmanta shamuc mushuc causaitaca, yuyai illac rumi shungu cashcamantami mana chasquincuna.

EFESIOS 4:26

Imamanta piñarishpapish, ama juchallichicchu. Piñarishpapish, ama tucui punzha piñashcalla caichicchu.

EFESIOS 4:30

Diosca juchapi huatashca shinamanta cacharichishpa pushana punzhacamanmi, Diospaclla cashcata ricuchishpa causachun, ñucanchictaca paipac Espirituhuan señalashpa chicanyachirca. Chaimanta millaita rimashpa ama Diospac Espirituta nanachichicchu.

HEBREOS 3:10

Chaimantami chai gentecunahuan ñuca piñarishpaca: “Paicunaca shungupi chingarishpa puricushpami, ñuca ricuchishca ñantaca mana ricsinata munarcacuna” nircani.

HEBREOS 3:17

Shinallatac Diosca, ¿picunahuantac chuscu chunga huatacunata piñarishca carca? Chai shitashca pambapi juchallishpa huañuccunahuanmi piñarishca carca.

HEBREOS 5:9

Chai shina tucui Dios nishcata pactachishpami, tucui paita cazuccunapac huiñaita quishpichic tucurca.

APOCALIPSIS 6:16

Chaipimi paicunaca urcucunatapish, rumicunatapish rimashpaca: «Mandashpa tiyarinapi tiyacucpac ñaupamanta, shinallatac Pactalla Oveja piñarishpa jatun llaquita cachanamantapish, ¡ñucanchic jahuapi urmashpa pacaichicyari!

JUECES 10:16

Shina nishpami paicunapac chaupipi tiyac dioscunata anchuchishpa Mandac Diosta servircacuna. Mandac Diosca israelcuna llaquita apacucta ricushpaca, paipish llaquirircami.

1 SAMUEL 20:34

Chaimantami Jonatanca mizamanta munai piñarishpa jatarirca. Davidta paipac taita rimarishcamantami munai llaquirishpa, chai llullu quilla cayandi punzhapish mana micurca.