MARCOS 2:5 - Dios Rimashcata Quillcashcami

⁵ Tucui shunguhuan crishcata ricushpami Jesusca: —Huahua, cambac juchacunataca ña perdonanimi— nirca.

Nuevo Testamento en Quichua Cañar 1996

⁵ Tucui shunguhuan paicuna crishcata ricushpami Jesusca: —Huahua, cambac juchacunataca ña perdonanimi— nirca.

MARCOS 2:5 ပူးပေါင်းရင်းမြစ်များ

GÉNESIS 22:12

Shina nicpimi angelca: —Huambrapac jahuapica ama maquita churaichu, ama imata ruhuaichu. Diosta manchashpa, cambac cuyashca shuclla churita mañacpi, mana misashcataca ña yachanimi— nirca.

SALMOS 103:3

Paimi tucui can mana allita ruhuashcacunataca perdonan. Tucui nanaicunatapish paimi jambin.

ISAÍAS 38:17

Riqui, ñucapac allipacllatami chai llaquica japirca. Shina cacpipish, cuyashpami jutcupi ñuca ismugrinamanta quishpichircangui. Ñuca juchacunata huashaiman shitac shina, perdonashpami quishpichircangui.

ISAÍAS 53:11

Paica, pai llaquita apashcaca mana yanga cashcata ricushpami, yallita cushicunga. Chai servicca allita yachac, cashcata ruhuac cashcamantami cashcata ruhuashpa, gentecunapac juchacunata aparinga.

SAN MATEO 9:2

Chaipimi paralisis ungüi japishca runata chacanapi apamurca. Jambirinata crishpa paicuna shamushcata Jesús ricushpami, chai ungushca runataca: —Huahua, sinchiyailla. Cambac juchacunataca perdonanimi— nirca.

SAN MATEO 9:22

Chaimanta Jesús tigrarishpa, huarmita ricushpaca: —Huahua, sinchiyailla. Can crishcamantaca ñami alli tucungui— nirca. Chai ratollatacmi huarmica alli tucurca.

SAN MATEO 9:5

¿Imata ninatac ashtahuan jahualla: “Juchacunataca perdonanimi” nina, mana cashpaca “jatarishpa, rilla” nina?

MARCOS 2:6

Maijan mandashcacunata yachachiccunapish chaipimi tiyacurca. Paicunapac shungupica:

MARCOS 5:34

Chaimantami Jesusca: —Huahua, can crishcamantami alliyashcangui. Cunanca, cushicushpa rilla. Ungüimantaca jambirishcanguimi— nirca.

SAN LUCAS 5:20

Jesusca paicuna tucui shunguhuan crishcata ricushpaca: —Riqui huahua, cambac juchacunataca ña perdonanimi— nirca.

SAN LUCAS 8:48

Chashna huillacpimi Jesusca: —Huahua, crishcamantami alliyashcangui. Cushicushpa rilla— nirca.

SAN JUAN 2:25

Jesusca gentecuna imata yuyacushcataca pi mana huillacpipish ña yacharcami. Gentecunapac shungu imata yuyacushcataca tucuitami yacharca.

SAN JUAN 5:14

Jesús, Diosta mañana huasipi chai runahuan tupashpaca: —Uyai, ña alliyashcanguimi. Ama ashtahuan juchallinguichu. Pacta ashtahuan llaquita apanguiman— nirca.

HECHOS 11:23

Bernabé chaiman chayashpaca, Diosca yallita cuyashpa, quishpichishcata ricushpami cushicurca. Tucui criccunatami Apunchic Jesusllata tucui shunguhuan cazuchun rimarca.

HECHOS 14:9

Paica Pablo rimashcata allimi uyacurca. Pablo chai runapac ñahuita allita ricushpaca, pai alliyanata cricuctami ricurca.

HECHOS 5:31

Chashnami Diosca paitaca tucuita Mandac cachunpish, Quishpichic cachunpish, paipac alli maquiman tiyachirca. Israelcuna juchayuc cashcamanta llaquirishpa, Diosman cutiricpi, juchacunata perdonangapacmi chashnaca ruhuarca.

1 CORINTIOS 11:30

Chaimantami cancunapurapica tauca ungushcacuna, irquiyashcacuna canguichic. Maijancunacarin ña huañushcacunami.

2 CORINTIOS 2:10

Maijanta cancuna perdonacpica, ñucapish perdonanimi. Imapish mana perdonashca cacpica, cancunata llaquishcamantami Cristopac ñaupapi chai shinaca ña perdonarcani.

EFESIOS 2:8

Cancunaca Dios cuyashcallamantami Jesucristota crishpa quishpirishca canguichic. Chaitaca mana cancuna allita ruhuashcamantachu chasquircanguichic, ashtahuanpish chaica Dios cushcallami can.

COLOSENSES 3:13

Caishuc chaishuc-huan mana piñanacushpa, maipi mana allita ruhuacpipish perdonanacuichic. Ima shinami Apunchic Jesús cancunapac juchacunata perdonarca, chashnallatacmi cancunapish perdonanacuna canguichic.

SANTIAGO 5:15

Allichina cashcata crishpa mañacpica, chai ungushcataca Apunchic Jesusca alliyachishpa jatarichingami, shinallatac juchacunatapish perdonangami.