MARCOS 16:20 - Dios Rimashcata Quillcashcami

²⁰ Yachacuccuna rishpaca, tucui gentecunamanmi huillarca. Chashna huillacucpica, Apunchic Jesusmi paicunataca ayudac carca. Milagrocunata ruhuachishpami, Jesusca paicunahuan cashcataca ricuchicurca.]

Nuevo Testamento en Quichua Cañar 1996

²⁰ Yachacuccuna rishpaca, maipipish tucui gentecunamanmi huillarcacuna. Chashna huillacucpica, Apunchic Jesusmi imapipish paicunataca ayudac carca. Pi mana ruhuaipaccunata ruhuachishpami, Jesusca paicunahuan cashcataca ricuchicurca.]

MARCOS 16:20 ပူးပေါင်းရင်းမြစ်များ

MARCOS 16:19

Apunchic Jesús paipac yachacuccunata mandashca quipaca, Diosmi jahua pachaman pusharca. Chaipimi paipac alli lado maquiman tiyarirca.

SAN LUCAS 1:1

Tauca runacunami cai ñucanchic llactapi ima tucushcacunataca, callarimanta allita quillcasha nicurca.

SAN LUCAS 1:2

Callarimanta chaicunata quiquin ñahuihuan ricuccunami huillarca. Paicunaca Diospac shimita huillaccunami carca.

HECHOS 14:3

Chaimantami Pablopish, Bernabepish chai pueblopi unaicaman saquirirca. Apunchic Jesús paicunaman poderta cucpimi, mana manchashpa huillarcacuna. Dios cuyac cashcata huillashpami, milagrocunatapish, mancharinacunatapish ruhuarcacuna.

HECHOS 4:30

Can quishpichichun cachashca Jesus-huan ungushcacunata alliyachichun, milagrocunata ruhuachun ñucanchicta ayudaiyari. Canca imatapish ruhuacllami cangui» nishpa mañarcacuna.

HECHOS 5:12

Apostolcunaca israelcunapurapica milagrocunatapish, mancharinacunatapish taucatami ruhuarca. Tucui criccunami Salomonpac corredorpi shuc yuyailla tandanacuc carca.

ROMANOS 15:19

Chashnami poderyuc Diospac Espirituhuan mancharinacunatapish, milagrocunatapish ruhuashpa, Jerusalén pueblomantaca Iliria llactacaman maipipish Cristomanta alli huillaita huillarcani.

2 CORINTIOS 6:1

Cunanca Dios mingashcata paillahuantac ruhuaccuna cashcamantami, ñucanchicca Dios mai cuyashpa, cancunaman allicunata cushcataca ama yanga cashcata yuyanguichic nishpa rimanchic.

HEBREOS 2:3

Shina cacpica, sumac quishpirinata yangapi churashpaca, ¿ima shinatac jatun llaquimantaca quishpirishunyari? Cai quishpirinataca Apunchic Jesusmi punta huillarca. Pai huillashcata uyaccunami chashnatac cashcata huillarca.

HEBREOS 2:4

Diospish mancharinacunata, milagrocunata ruhuashpa, pai munashca shina paipac Espirituta cushpa, chashnatac cashcata ricuchirca.