MARCOS 16:18 - Dios Rimashcata Quillcashcami

¹⁸ Culebracunata maquihuan japirishpapish, ima venenocunata ubiashpapish, mana ima tucungachu. Shinallatac ungushcacunapac uma jahuapi maquita churacpica, alliyangallami— nirca.

Nuevo Testamento en Quichua Cañar 1996

¹⁸ Culebracunata maquihuan japirishpapish, ima venenocunata ubiashpapish, mana ima tucungacunachu. Shinallatac ungushcacunapac uma jahuapi maquita churacpica, alliyangacunallami— nirca.

MARCOS 16:18 ပူးပေါင်းရင်းမြစ်များ

GÉNESIS 3:15

Canhuan, cai huarmihuan, cambac huahuacunahuan, cai huarmipac huahuacunahuan piñanacuchunmi churani. Cai huarmipac huahuaca cantaca umapimi sarunga. Canca chaqui talonllapimi caningui— nirca.

SALMOS 91:13

Leonpac, culebrapac jahuatami puringui. Maltón leontapish, huañuchic culebratapish sarunguimi.

MARCOS 5:23

paipac ñaupapi cungurishpaca: —Ñuca ushimi huañugricun. Can rishpa, ñuca ushipac uma jahuapi maquita churacpica, mana huañungachu, alliyangami— nishpa mañarca.

SAN LUCAS 10:19

Cancunamanmi culebracunatapish, alacrancunatapish saruchun poderta cuni. Ima millaitapish atinguichicmi. Cancunataca mana imata ruhuangachu.

HECHOS 19:12

Chaimantami Pablo tuparishca churanacunatapish, lienzocunatapish ungushcacunapac jahuapi churangapac apaccuna carca. Shina churacpica, ungushcacunaca alliyarcacunami. Millai Supaicunapish runamanta llucshicmi carca.

HECHOS 3:12

Pedro chaita ricushpaca: «Israelcuna, ¿caita ricushpachu mancharicunguichic? ¿Ima nishpatac ñucanchic ñahuita ricuracunguichic? Mana ñucanchic poderhuanchu alliyachishcanchic. Shinallatac mana Dios mañaccuna cashcallamantachu alliyachishcanchic.

HECHOS 3:16

Cai cancuna ricushca, ricsishca runaca Jesusta crishpami alliyashca. Paica Jesusta crishcamantami cancunapac ñaupapi alliyashca shayacun. Ima shina pai alliyashcataca cancunami ricucunchic.

HECHOS 4:10

Cancunapish, tucui israelcunapish caitami yachana canguichic. Chaica, cancuna chacatashpa huañuchishca, quipata Dios huañushcacunapuramanta causachishca, Nazaret pueblomanta Jesucristomi cai runataca alliyachishca. Chai alliyashca runami cancunapac ñaupapi shayacun.

HECHOS 4:22

Chai alliyashca runaca, chuscu chunga huata yallitami charirca.

HECHOS 4:30

Can quishpichichun cachashca Jesus-huan ungushcacunata alliyachichun, milagrocunata ruhuachun ñucanchicta ayudaiyari. Canca imatapish ruhuacllami cangui» nishpa mañarcacuna.

HECHOS 9:34

Pedroca paitaca: —Eneas, cantaca Jesucristomi alliyachin. Jatari, cambac camata tandachi— nirca. Shina nicpica, Eneasca jatarishpa shayarircallami.

ROMANOS 16:20

Chashnami cushi causaita cuc Diosca Satanasta mishashpa, cancunapac chaqui sarunapi ñalla churanga. Ñucanchic Apunchic Jesuspac cuyai tucui cancunahuan cachun.

1 CORINTIOS 12:9

Chai Espiritullatacmi maijantaca alli cricta ruhuan. Maijantaca ungushcacunata alliyachictami ruhuan.