MARCOS 15:6 - Dios Rimashcata Quillcashcami

⁶ Pascua fiesta punzhapi gentecuna shuc prezuta cacharichun nicpica, Pilatoca cacharicllami carca.

Nuevo Testamento en Quichua Cañar 1996

⁶ Pascua*f** fiesta punzhapi gentecuna shuc prezuta cacharichun nishpa mañacpica, mandac Pilatoca cacharicllami carca.

MARCOS 15:6 ပူးပေါင်းရင်းမြစ်များ

SAN MATEO 26:2

—Caimanta ishcai punzha quipa, Pascua punzha cashcataca cancunallatac yachanguichicmi. Chai punzhapimi, Runa Tucungapac shamushca ñucataca, cruzpi chacatachun japichingacuna— nirca.

SAN MATEO 26:5

Ashtahuanpish paicunaca: «Cai fiesta punzhapica mana japishpa, saquishunlla, gentecuna ñucanchicta llaquichingapac jataringami» ninacurca.

MARCOS 15:7

Chai punzhapica Barrabasmi prezu carca. Paica caishuc runacunahuan tandanacushpami, jatun mandac-huan piñanacushca carca. Chaipi huañuchishcamantami carcelpi tiyacurca.

SAN JUAN 18:16

Ashtahuanpish Pedroca canzhallapimi saquirirca. Chaimantami jatun mandac curapac ricsishca yachacucca canzhaman llucshishpa, huasita cuidac huarmihuan parlashpa Pedrotaca ucuman yaicuchirca.

SAN JUAN 19:16

Shina nicpimi, Pilatoca Jesusta chacatachun paicunaman curca. Chaimantami Jesusta apashpa rircacuna.

HECHOS 24:27

Ña ishcai huata tucucpica, Felixca pai mandacushcamanta llucshircami. Chaimantami Porcio Festoca mandac tucurca. Felixca israelcunahuan alli ricurisha nishpami, Pablotaca prezullatac saquirca.

HECHOS 25:9

Festoca israelcunahuan alli ricurisha nishpami, Pablotaca: —¿Jerusalenman rishpa, caicunamanta ñucapac ñaupapi juchanchishca casha ninguichu?— nirca.