MARCOS 15:46 - Dios Rimashcata Quillcashcami

⁴⁶ Chaimantami Joseca shuc jatun lienzo pañota randishpa, Jesuspac cuerpota uricuchishpa, chai lienzohuan pillushpa, rumi quingrai jutcushcapi churarca. Chaimantaca shuc jatun rumita singuchishpami, chai jutcu pungutaca jarcarca.

Nuevo Testamento en Quichua Cañar 1996

⁴⁶ Chaimanta rishpami, Joseca shuc jatun lienso pañuta randishpa, Jesuspac cuerpotaca cruzpi chacatashcamanta uricuchishpa pilluchirca. Chashna pilluchishpami, Jesuspac cuerpota rumi quinrai jutcushcapi churarca. Chaimantaca shuc jatun rumita singuchishpami, chai jutcu pungutaca jarcarca.

MARCOS 15:46 ပူးပေါင်းရင်းမြစ်များ

ISAÍAS 22:16

“¿Canca caipica imatatac charingui? Mana cashpaca, ¿pitac enterrangapacta lomacunapi, quingraicunapi jutcuta ruhuaccuna shina, enterrana jutcuta caipi ruhuachircangui?

ISAÍAS 53:9

Paica ima llaquita mana ruhuashca cashpapish, mana llullashca cashpapish, chayuccunahuan, Diosta mana manchaccunahuan pactami enterrashca carca.

SAN MATEO 28:2

Paicuna chayacucpimi, cungailla allpa yallita chucchurca. Mandac Diospac angelmi jahua pachamanta shamushpa, Jesusta enterrashcata huichcashca rumita anchuchishpa, chai rumi jahuapi tiyarirca.

MARCOS 15:45

Patsac soldadocunata mandac huillacpimi, Pilatoca Jesuspac cuerpota enterrachun Joseman curca.

MARCOS 15:47

Jesusta maipi churactaca, Magdala pueblomanta Mariapish, Josepac mama Mariapishmi ricucurca.

SAN LUCAS 23:53

Jesuspac cuerpota cruzmanta uricuchishpa pañohuan pillushpami, rumi quingrai jutcushca sepulturapi churarca. Chaipica pitapish manarac enterrashcami carca.

SAN JUAN 11:38

Cutinllatacmi Jesusca shungupi llaquirishpa, chai enterrashca cuchuman rirca. Chai jutcuca quingraipimi jatun rumihuan jarcashca carca.

SAN JUAN 11:41

Jesús shina nicpimi, enterrashcata tapashca rumita cutichirca. Jesús jahua pachata huichailla ricushpaca: —Taitalla, ñuca mañashcata uyashcamanta pagui ninimi.

SAN JUAN 20:1

Semana callari punzha, manarac alli achicyacpimi, Magdala pueblomanta Mariaca Jesusta enterrashcaman rirca. Chayashpaca enterrashca pungupi churashca rumita anchuchishcatami ricurca.