MARCOS 15:40 - Dios Rimashcata Quillcashcami

⁴⁰ Shinallatac tauca huarmicunapish carullamanta ricushpami shayacurca. Chai huarmicunapurapica, Magdala pueblomanta Mariapish, quipa Jacobopac, Josepac mama Mariapish, Salomepishmi carca.

Nuevo Testamento en Quichua Cañar 1996

⁴⁰ Chashnallatac Jesús chacatashcataca, tauca huarmicunami carullamanta ricushpa shayacurcacuna. Chai huarmicunapurapica, Magdala pueblomanta Mariapish, q'uipa Jacobopac, Josepac mama Mariapish, shinallatac Salomepish chaipimi carca.

MARCOS 15:40 ပူးပေါင်းရင်းမြစ်များ

SALMOS 38:11

Ñuca ricsishcacunapish, ñucahuan puriccunapish, ñuca familiacunapish ñuca sisuta ricushpaca caruyancunami.

SAN MATEO 10:3

shinallatac Felipe, Bartolomé, Tomás, impuestota japic Mateo, Alfeopac churi Jacobo, Tadeo nishca Lebeo,

SAN MATEO 13:55

Paica carpinteropac churillami. Paipac mamapish Mariami. Paica Jacobopac, Josepac, Simonpac, Judaspac huauquimi.

SAN MATEO 27:61

Chai jutcu ñaupapica Magdala pueblomanta Mariami, caishuc Mariahuan tiyacurca.

SAN MATEO 28:1

Samana punzha cayandi domingo pacarinatami Magdala pueblomanta Mariaca caishuc Mariahuan Jesusta enterrashcata ricungapac rirca.

MARCOS 15:47

Jesusta maipi churactaca, Magdala pueblomanta Mariapish, Josepac mama Mariapishmi ricucurca.

MARCOS 16:1

Samana punzha tucuricpimi, Magdala pueblomanta Mariapish, Jacobopac mama Mariapish, Salomepish mishquilla ashnacucta Jesuspac cuerpopi churangapac randirca.

MARCOS 16:9

[Jesús semana callari punzha, tutamanta causarishpaca, Magdala pueblomanta Mariamanmi punta ricurirca. Chai Mariamantami Jesusca canchis supaicunata llucchishca carca.

SAN LUCAS 19:3

Zaqueo runaca Jesús pi cashcata yachangapacmi ricunata munarca. Shina cashpapish, pai uchilla cashcamanta, tauca gentecuna Jesus-huan ricushcamantami mana ricui pudirca.

SAN LUCAS 23:49

Jesuspac tucui ricsishcacunapish, Galilea llactamanta Jesus-huan shamuc huarmicunapish carumantami chai tucuitaca ricucurca.

1 CORINTIOS 9:5

¿Manachu ñucanchicpish apostolcuna shina, Apunchic Jesuspac huauquicuna shina, Cefas shina, shuc cric huarmita cazarashpa, apai pudinchic?

GÁLATAS 1:19

Chaipica Jesús acllashca caishuc huillaccunataca pitapish mana ricurcanichu, ashtahuanpish Apunchic Jesuspac huauqui Jacobollatami ricurcani.

SANTIAGO 1:1

Ñucaca Diospacta, Apunchic Jesucristopacta ruhuac Santiagomi cani. Israelpac chunga ishcai aillucuna shic-huarishpa, caipi chaipi causaccunatami “allillachu canguichic” nishpa, quillcani.