MARCOS 14:65 - Dios Rimashcata Quillcashcami

⁶⁵ Chaimantami maijanca Jesusta tucai callarirca. Cutin maijanca ñahuita pañohuan huatashpa, huactashpaca: «¡Maijantac huactanchic, huillai!» nircami. Diosta mañana huasita cuidaccunapish Jesusta ñahuipi huactarcami.

Nuevo Testamento en Quichua Cañar 1996

⁶⁵ Chashna nishpami, maijancunaca Jesusta t'ucai callarircacuna. Shinallatac ñahuita lienso pañuhuan huatashpami huactarcacuna. Chaimantaca: —¡Maijantac canta huactanchic, huillai!— nircacunami. Diosman mañana huasita cuidaccunapish, shinallatacmi Jesustaca ñahuipi huactarcacuna.

MARCOS 14:65 ပူးပေါင်းရင်းမြစ်များ

2 CRÓNICAS 18:23

Shina nicpimi, Quenaanapac churi Sedequiasca Micaiaspacman cuchuyashpa ñahuipi huactashpaca: —Mandac Diospac espirituca, ¿maijan ñantatac ñucamanta anchurishpa, canman huillangapacca rircayari?— nirca.

ESTER 7:8

Mandashpa tiyana huasi lado huertamanta jatun mandac ucuman yaicushpaca Amantaca mandac Ester tiyacuc cama jahuapi siricuctami ricurca. Chaita ricushpami Amantaca: —¿Jatun mandac huarmitapish ñuca huasillapitacchu japirisha ningui?— nirca. Jatun mandac chashna nicpimi Amanpac ñahuita taparca.

JOB 30:10

Ñucata millashpami ñahuipi tucashpa caruyancuna.

ISAÍAS 50:6

Ñucata macaccunamanmi ñuca huashata ricuchircani. Ñuca barbasmanta chutaccunamanmi ñuca ñahuita ricuchircani. Ñucata tucashpa burlacmantapish ñahuita mana pacarcanichu.

ISAÍAS 52:14

Paita ricushpaca taucacunami ñahui shuclaya tucushpa, mana runapac ñahuilaya cacpi mancharirca.

ISAÍAS 53:3

Gentecunapac mana ricunayachishca, millashcami carca. Paica yalli nanaihuanpish, llaquihuanpishmi carca. Paita mana ricusha nishpami shuc ladota ricuc carcanchic. Paitaca yangalla cashcata yuyashpami, mana ricunayachircanchic.

MIQUEAS 5:1

¡Sinchi runanacuna causana Jerusalenlla, tandanacuichicyari! ¡Piñaccunaca pueblota muyushpami shayacun! Israel llacta jueztaca ñahuipi varahuan huactashpami chugrichinga.

NÚMEROS 12:14

Shina mañacpimi, Mandac Diosca Moisestaca: «Paipac taita ñahuipi tocacpica, ¿manachu canchis punzhacaman pingaihuan canga? Chaimanta canchis punzhacaman carpa huasicunamanta llucshishpa cachai. Chai quipami israelcunahuan cutin tandanacunga» nirca.

SAN MATEO 27:30

Chaimantaca tocashpami, paipac taunallahuantac umapi huactarca.

MARCOS 10:34

Paicunaca ñucata burlangacunami, macangacunami, tucangacunami, huañuchingacunami. Chashna huañuchicpipish, quimsa punzhapica causarishallami— nirca.

MARCOS 15:19

Chashna nishpami, Jesusta caspihuan umapi huactashpa, tucashpa cunguric tucushpa, mañac tucurca.

SAN JUAN 18:22

Jesús chashna nicpica, Diosta mañana huasita cuidac shuc runami: —¿Chashnachu mandac curata ningui?— nishpa, ñahuipi huactarca.

SAN JUAN 19:3

Chaimanta paipac cuchuman chayashpaca: —Israelcunata Jatun Mandac alli nishca cachun— nishpa, ñahuipi huactarca.

HECHOS 23:2

Chashna nicpimi, curacunata mandac cura Ananiasca Pablopac ladopi shayacuccunataca shimipi huactachun mandarca.

HEBREOS 12:2

Jesusta ricuc shina catishunchic. Paimantami crinapish tiyan. Paillatacmi alli cric cachun pushan. Paica quipaman yallita cushicuita japina cashcata yachashpami, cruzpi pingaichishca huañunatapish mana manchashpa huañurcalla. Chai quipaca Diospac alli maquimanmi tiyaringapac rirca.