MARCOS 14:50 - Dios Rimashcata Quillcashcami

⁵⁰ Chaipimi yachacuccunaca Jesusllata saquishpa, tucui miticushpa rircacuna.

Nuevo Testamento en Quichua Cañar 1996

⁵⁰ Chaipimi Jesuspac yachacuccunaca paillata saquishpa, tucui miticushpa rircacuna.

MARCOS 14:50 ပူးပေါင်းရင်းမြစ်များ

SALMOS 38:11

Ñuca ricsishcacunapish, ñucahuan puriccunapish, ñuca familiacunapish ñuca sisuta ricushpaca caruyancunami.

SALMOS 88:18

Ñucahuan puriccunatapish, ricsishcacunatapish ñucamanta caruyachishcanguimi. Amsallatami ñucahuan cachun saquishcangui.

ISAÍAS 63:3

Ñucallami uvasta cutanapica uvasta sarucurcani. Gentepuramanta pi mana ñucahuan carcachu. Yallita piñarishpami sarucurcani. Chashna sarucucpimi, ñuca churanapi paicunapac yahuar chiraparishpa, tucui churanata cahuirca.

MARCOS 14:27

Chaipimi Jesusca yachacuccunataca: —Cunan tutallatacmi cancunaca ñucata saquishpa, caita chaita ringuichic. Chaica, Dios quillcachishcapica: “Michicta huañuchishami. Ovejacunaca caita chaitami shic-huaringa” ninmi.

MARCOS 14:49

Punzhantami cancunahuan Diosta mañana huasipica yachachicurcani. Chaipica mana japircanguichicchu. Ashtahuanpish Dios quillcachishcapi nishca pactachunmi, cashna japingapac shamushcanguichic— nirca.

MARCOS 14:51

Shuc mosomi pañohuan pillurishca Jesusta caticurca. Paitapish japircami.

SAN JUAN 16:32

Chai punzhaca chayamun, ña caillapimi. Cancunaca ñucallata saquishpa, caita chaita ringuichic. Shina cacpipish, mana ñucallachu cani, ashtahuanpish ñuca Taitaca ñucahuanmi.

SAN JUAN 18:8

Chaimantami Jesusca: —Ña: “Ñucami cani” nircanica. Ñucata mashcacushpaca, cai ñucata caticcuna richun saquichic— nirca.

2 TIMOTEO 4:16

Juezcunapac ñaupapi punta ñuca rimaricucpica, pi ñucahuanca mana carcachu, tucuimi shitashpa rircacuna. Chashna ruhuashcataca ama yuyarishca canman ninimi.