MARCOS 14:2 - Dios Rimashcata Quillcashcami

² Chashna yuyaricushpapish, maijanca: «Cai fiesta punzhapica mana imata ruhuanachu canchic. Gentecuna jatarishpa, ñucanchictarac llaquichingami» nirca.

Nuevo Testamento en Quichua Cañar 1996

² Chashna yuyaricushpapish, maijancunaca: —Gentecuna jatarishpa, ñucanchictarac imatapish ruhuanamantaca, cai fiesta punzhacunapica mana japishpa, casilla saquishunlla— nircacuna.

MARCOS 14:2 ပူးပေါင်းရင်းမြစ်များ

PROVERBIOS 19:21

Runapac shungupica caita chaita ruhuana yuyaicunami tiyan. Ashtahuanpish Mandac Dios munashcami pactanga.

PROVERBIOS 21:30

Alli yachaipish, ima yuyaipish, ima cunashcapish Mandac Diostaca mana ati pudinchu.

LAMENTACIONES 3:27

Huambramanta pacha yugota apacca alli runami.

SAN MATEO 26:2

—Caimanta ishcai punzha quipa, Pascua punzha cashcataca cancunallatac yachanguichicmi. Chai punzhapimi, Runa Tucungapac shamushca ñucataca, cruzpi chacatachun japichingacuna— nirca.

SAN MATEO 26:5

Ashtahuanpish paicunaca: «Cai fiesta punzhapica mana japishpa, saquishunlla, gentecuna ñucanchicta llaquichingapac jataringami» ninacurca.

MARCOS 11:18

Chaita uyashpaca, mandashcacunata yachachiccunapish, curacunata mandac curacunapish Jesustaca ima shina huañuchinatami yuyaricurca. Chaica, tucui gentecunami “Jesusca allitami yachachin” nic carca. Chaimantami manchashpa huañuchinata munarca.

MARCOS 11:32

Ñucanchic: “Runacunallami Juantaca cacharca” ninapish mana allichu— ninacurca. Tucui gentecuna “Juanca Diosmantatacmi huillacun” ninacucta uyashcamantami, manchashpa imata mana ni pudirca.

MARCOS 14:1

Levadura illac tandata micuna, Pascua punzhapac ishcai punzha siricpimi, curacunata mandac curacunapish, mandashcacunata yachachiccunapish Jesusta ima shina pacalla japishpa huañuchinata yuyaricurca.

MARCOS 14:3

Jesusca Betania pueblopi lepra ungüihuan nishca Simonpac huasipi micushpa tiyacucpimi, shuc huarmica achca valic nardo mishquilla ashnacucta, alabastro rumi botellapi apashpa shamurca. Chai botella pascashpami, mishquilla ashnacuctaca Jesuspac umapi churarca.

SAN LUCAS 20:6

Cutin: “Runacunallami cachashca” nicpica, gentecuna ñucanchicta rumicunahuan shitashpa huañuchingami. Chaica, tucui gentecunami Juantaca “Dios ima nishcata huillacmi” nincuna— ninacurca.

SAN LUCAS 22:1

Levadura illac tandata micuna Pascua fiestami chayamucurca.

SAN JUAN 12:19

Ashtahuanpish fariseocuna parlanacushpaca: —Riquichic, tucuimi paita caticun. Ñucanchicca imata mana ruhuai pudinchicchu— nicurca.

SAN JUAN 7:40

Chaita uyashpami maijan gentecunaca: «Cai runaca ñucanchic shuyacushca Dios ima nishcata huillacmi» ninacurca.