MARCOS 12:7 - Dios Rimashcata Quillcashcami

⁷ Chai runacuna churi shamucta ricushpacarin: “Paimi taita charishcacunataca tucui japinga. Chaimanta pai japinata ñucanchic japingapac huañuchishunchic” ninacurca.

Nuevo Testamento en Quichua Cañar 1996

⁷ Paipac churi shamucta chai runacuna ricushpacarin: ‘Paimi taita charishcacunataca tucui japinga. Chaimanta pai japinata ñucanchic japingapac huañuchishunchic’ nircacuna.

MARCOS 12:7 ပူးပေါင်းရင်းမြစ်များ

GÉNESIS 3:15

Canhuan, cai huarmihuan, cambac huahuacunahuan, cai huarmipac huahuacunahuan piñanacuchunmi churani. Cai huarmipac huahuaca cantaca umapimi sarunga. Canca chaqui talonllapimi caningui— nirca.

GÉNESIS 37:20

Cunanca, paipac muscushca pactacta ricungapac huañuchishpa, jutcupi shitashunchic. Shina huañuchishpaca taitamanca: “Ima sacha animalcunami micushca canga” nishunllami— nircacuna.

ISAÍAS 49:7

Israelcunata quishpichic, jucha illac Diosmi shuctac llactacuna mana ricunayachishpa millana servic gentecunata: «Mandac Dios ñuca cancunata acllashcamanta, pactachic, jucha illac Dios cashcamantami jatun mandaccunapish, shamushpa cancunapac ñaupapi cumuringa» ninmi.

SAN MATEO 2:16

Herodesca yachaccuna umashcamantami, munai piñarishpa, tucui muyundi Belén llactapi causac, manarac ishcai huatata charic cari huahuacunata huañuchichun mandarca. Chashnami yachaccuna lucerota ricushca punzhamanta ñaupaman huacharishca huahuacunata huañuchichirca.

SAN MATEO 21:34

Uvas pallana punzha chayacpica, chai allpayuc runaca serviccunatami pai japina cashcata chaupichun cacharca.

MARCOS 12:12

Fariseocunaca chimbapurashca parlocunahuan Jesús parlashpaca, paicunata rimacushcata yachashpami, prezu japinata munarca. Shina yuyacushpapish gentecunata manchashcamantami, mana imata ruhuashpa rircalla.

MARCOS 12:6

Quipaca paipac cuyashca shuclla churillami saquirirca. Chaimantami “Ñuca churitaca manchashpa, manapishchari imata ningacuna” nishpami cacharca.

MARCOS 12:8

Chaimantami chai churita japishpa huañuchirca. Chaimantaca uvas chagramanta llucchishpami shitarca.

HECHOS 2:23

Dios ñaupaman yachashca shina, munashca shinami, chai Jesustaca prezushpa, chacatachun millai runacunaman curcanguichic. Chashnami huañuchircanguichic.

HECHOS 5:28

—¿Manachu ñucanchicca chai runamanta ama cutin yachachun mandarcanchic? Chashna nishca jahuami tucui Jerusalenpi yachachishcanguichic. Jesús huañushcamantapish ñucanchictami juchanchinguichic— nirca.

HECHOS 7:52

Ñaupa taitacunaca, Dios ima nishcata huillaccunata mana ricushun nishpami llaquichirca. Paicunami shamuna cashca Jucha illac, imatapish cashcata ruhuacmanta huillaccunata huañuchircacuna. Chai Jucha illac shamucpica, millai runacunaman cushpami huañuchircanguichic.

HEBREOS 1:2

Shina cacpipish, cunan tucuri punzhacunapica, paipac Churitami huillachishca. Diosca Paillahuantacmi cai pachataca ruhuarca. Paillamantacmi tucui ima tiyashcataca cushca.