MARCOS 12:40 - Dios Rimashcata Quillcashcami

⁴⁰ Viudacunapac huasicunatapish quichuccunami. Chashna ruhuashpaca, alli ricurishun yuyashpami, Diosta unaita mañac tucuncuna. Chashna ruhuashcamantaca, paicunallatacmi ashtahuan llaquita apangacuna» nirca.

Nuevo Testamento en Quichua Cañar 1996

⁴⁰ Viuda huarmicunapac huasicunatapish quichuccunami. Chashna ruhuashpaca, alli ricurishun yuyashpami, Taita Diosman unaita mañac tucuncuna. Chashna ruhuashcamantaca, paicunallatacmi ashtahuan llaquita apangacuna— nirca.

MARCOS 12:40 ပူးပေါင်းရင်းမြစ်များ

EZEQUIEL 22:25

Cancunapurapica león huacashpa, animalta japic shina, gentecunata huañuchishpa, ima charishcacunatapish, ima alajacunatapish quichuc mandaccunami tiyan. Chashna achcata huañuchicpimi, achca viudacunata saquirca.

MIQUEAS 2:2

Maijanpac allpacunatapish, huasicunatapish yallita munashpami quichun. Paicunaca shuc runata llaquichishpami, paipac familiatapish llaquichishpa, ima charishcacunatapish quichushpa llaquichin.

SAN MATEO 23:13

¡Mishqui shimi, jayac shungu fariseocunalla, mandashcacunata yachachiccunalla, imachari tucunguichic! Cancunami jahua pacha Dios mandacucman yaicusha niccunata jarcanguichic. Chashnami cancunapish mana yaicunguichic, yaicuchunpish mana saquinguichic.

SAN MATEO 23:14

¡Mishqui shimi, jayac shungu fariseocunalla, mandashcacunata yachachiccunalla, imachari tucunguichic! Cancunaca viuda huarmicunapac huasicunata quichuccunami canguichic. Chashna ruhuashpaca, unaicamanmi Diosta mañac tucunguichic. Chaimantami cancunaca yallita llaquichishca canguichic.

SAN MATEO 23:33

¡Culebracuna, culebrapac huahuacunalla! ¡Maitatac ucu pacha ninamantaca quishpiringuichicyari!

SAN MATEO 6:7

Diosta mañashpaca, ama chai Diosta mana ricsiccuna shina cutin cutin chaillatatac rimashpa mañaichicchu. Paicunaca “Chashna mañacpica Diosca uyangami” yuyashpami, chashnaca mañancuna.

MARCOS 12:39

Paicunaca tandanacuna huasicunapipish, jatun micuicunapipish punta tiyarinata mashcashpami, tiyarinata munan.

SAN LUCAS 20:47

Viudacunapac huasicunatapish quichuccunami. Chashna ruhuashpaca, alli ricuringapacmi unaita Diosta mañac tucun. Chashna ruhuashcamantaca, paicunallatacmi ashtahuan llaquita apanga— nirca.

2 CORINTIOS 11:20

Shinallatac servichiccunatapish, shuhuashpa quichuccunatapish, umaccunatapish, mana ricunayachiccunatapish, piñashpa ñahuipi huactaccunatapish, imata mana nishpami chasquinguichiclla.

2 TIMOTEO 3:6

Paicunapuramantami maijancunaca huasicunaman yaicushpa, imatapish criclla, millai yuyaicuna aticpi juchalliclla huarmicunata pandachincuna.