MARCOS 12:34 - Dios Rimashcata Quillcashcami

³⁴ Jesús mandashcacunata yachachic alli yuyaihuan cutichishcata uyashpaca: —Canca Dios mandacucmantaca mana carupichu cangui— nirca. Quipaca pingaihuan pipish imata mana ashtahuan tapurcachu.

Nuevo Testamento en Quichua Cañar 1996

³⁴ Chashna mandashcacunata yachachic alli yuyaihuan cutichishcata Jesús uyashpami: —Canca Taita Dios mandacucmantaca mana carupichu cangui— nirca. Jesús chashna nicpica, pingaihuan pi imata mana ashtahuan tapurcacunachu.

MARCOS 12:34 ပူးပေါင်းရင်းမြစ်များ

SAN MATEO 12:15

Jesús chaita yachashpaca chaimanta rircami. Achca gentecunami catishpa rirca. Jesusca tucui ungushcacunata alliyachishpapish

SAN MATEO 12:20

Cashcata ruhuashpa taripangacaman huishtuyashca cañatapish mana paquingachu, ashalla japiricuc mechatapish mana huañuchingachu.

SAN MATEO 22:46

Jesús chashna nicpica, pi imata mana cutichircachu. Chai punzhamanta pachami pi ashtahuan mana tapurca.

SAN LUCAS 20:40

Pi imata mana ashtahuan tapurcachu.

ROMANOS 7:9

Ñaupaca ima mandashcacunata mana yachashpami causarcani. Mandashcacunata ñuca yachacpimi, juchaca ñucapi ricurirca. Shinami huañurcani.

GÁLATAS 2:19

Mandashcacunata ruhuangapacca huañushca shinami cani. Shina cashpapish mandashcallatacmi Diospaclla causachun mandarca.

COLOSENSES 4:6

Cancuna shuccunahuan parlanacushpapish, uyanalla sumac rimaicunahuan parlaichic. Paicuna imata tapucpipish, allita cutichinata yuyaichic.