MARCOS 12:33 - Dios Rimashcata Quillcashcami

³³ Diosta tucui shunguhuan, tucui yuyaihuan, tucui almahuan, tucui munaihuan cuyanaca allimi. Chashnallatac quiquin cuyaric shinallatac shuccunatapish cuyanaca allimi. Cai ishcai mandashcacunata pactachinami, rupachina ofrendatapish ashtahuan yalli allica— nirca.

Nuevo Testamento en Quichua Cañar 1996

³³ Taita Diosta tucui shunguhuan, tucui yuyaihuan, tucui almahuan, tucui munaihuan c'uyanaca allimi. Chashnallatac quiquinta c'uyaric shinallatac shuccunatapish c'uyanaca allimi. Cai ishcai mandashcacunata pactachinami, animalcunata Diosman cushpa huañuchishpa, rupachinatapish ashtahuan yalli allica— nirca.

MARCOS 12:33 ပူးပေါင်းရင်းမြစ်များ

SALMOS 50:23

Maijanpish animalta ñucaman cushpa alli nicmi, ñucataca jatunyachinga. Paipac causaita allichicmanmi ñuca quishpichic cashcataca huillasha» ninmi.

PROVERBIOS 21:3

Mandac Diosmanca cashcata ruhuana, alli ruhuanami animalcunata cushpa huañuchishcatapish yalli alli ricurin.

OSEAS 6:6

Ñucaman animalta huañuchinapac randica, ñucata cuyachunmi munani. Animalta tucui rupachinapac randica, ñucata ricsichunmi munani.

SAN MATEO 12:7

Dios quillcachishcapi: “Animalta cushpa rupachinapac randica, shuccunata llaquiccuna cachun” nishcataca, ¿manachu entendinguichic? Chaita entendishca cashpaca, mana faltayucta mana juchanchinguichicmanchu.

SAN MATEO 9:13

Diosca: “Animalcunata ñucaman cushpa rupachinapac randica, shungumanta llaquiccuna cachunmi munani” ninmi. Ñucaca cashcata ruhuaccunataca mana cayac shamurcanichu, ashtahuanpish juchayuccunatami llaquirishpa Diosman cuti richun cayac shamurcani— nirca.

DEUTERONOMIO 6:5

Mandac Diostaca tucui shunguhuan, tucui yuyaihuan, tucui munaihuan cuyangui.

HEBREOS 10:8

Ñaupa quillcachishcapica: “Animalta Diosman cushpa huañuchishcatapish, ofrendacunatapish, juchacunata anchuchingapac animalta cushpa rupachishcatapish mana munanchu, paitaca mana cushichinchu” ninmi.

1 SAMUEL 15:22

Shina nicpimi Samuelca: —Mandac Diosca, ¿paiman cushpa, tucui rupachicpi, paiman animalcunata cushpa huañuchicpichu cushicunga? Ashtahuanpish pai mandashcata cazunami Diosman animalta huañuchinatapish ashtahuan yalli alli can. Shinallatac ovejacunapac huirata cunapac randica pai nishcata uyanami ashtahuan alli can.