MARCOS 12:29 - Dios Rimashcata Quillcashcami

²⁹ Chashna tapucpimi Jesusca: —Tucui mandashcacunamanta ashtahuan yallica caimi: “Uyaichic israelcuna, ñucanchic Diosca Mandac Diosmi. Paica shucllami.

Nuevo Testamento en Quichua Cañar 1996

²⁹ Chashna tapucpi Jesusca cashnami nirca: —Tucui mandashcacunamanta ashtahuan yalli cazunaca, caimi: ‘Uyaichic israelcuna,*f** ñucanchic Taita Diosca Mandac Diosmi. Paica shucllami.

MARCOS 12:29 ပူးပေါင်းရင်းမြစ်များ

SALMOS 86:10

Canca sumaimanacunata ruhuac jatun Diosmi cangui. ¡Canllami Diosca cangui!

PROVERBIOS 23:26

Ñuca huahualla, tucui shunguhuan ñucata uyaiyari. Cambac ñahuihuanca ñuca ima shina causashcata ricuiyari.

SAN MATEO 10:37

Maijanpish taita mamata ñucata yalli cuyacca, mana ñucapacchu. Maijanpish paipac huahuacunata ñucata yalli cuyacca, mana ñucapacchu.

SAN MATEO 23:9

Cancunapac taitaca, jahua pacha Diosmi. Chaimanta cai pachapica, ama pita “taitami” ninguichicchu.

SAN LUCAS 10:27

Shina nicpimi, chai yachachicca: —Chaipica: “Tucui shunguhuan, tucui almahuan, tucui yuyaihuan, tucui munaihuan canta Mandac Diosta cuyangui. Can quiquinta shina, shuccunatapish cuyangui” ninmi— nirca.

ROMANOS 3:30

Chaica, Diosca shucllami. Paimi circuncisionta ruhuashca cacpipish, mana ruhuashca cacpipish, Jesusta crishcallamanta chasquin.

1 CORINTIOS 8:4

Ruhuashcalla dioscunaman animalcunata huañuchishpa, cushca aichata micunamanta nishpaca, ruhuashcalla dioscunaca cai pachapica ima mana canchu, ashtahuanpish shuclla Dios tiyashcatami yachanchic.

GÁLATAS 3:20

Diosca cusha nishcataca, pi shucta huillaccunaman mana huillachircachu, ashtahuanpish paillami chaitaca ruhuashca.

DEUTERONOMIO 10:12

Israelcunalla, ¿imatatac Mandac Diosca ruhuachun nin? Mandac Diosca paita manchashpa, pai munashca shina causachun, tucui shunguhuan, tucui almahuan, paillata cuyachun,

DEUTERONOMIO 30:6

Mandac Diosllatacmi paita tucui almahuan, tucui shunguhuan cuyachun, cancunapac shungutapish, cancunapac huahuacunapac shungutapish pitic shina ruhuanga. Chai shina paita cuyashpa, chai llactapi causachunmi chashnaca ruhuanga.

DEUTERONOMIO 6:4

Israelcunalla uyaichicyari. Ñucanchicta Mandac Diosca shucllami.

1 TIMOTEO 1:5

Caita mandashpaca, chuya shunguhuan, chuya yuyaihuan, mana nic tucushpalla crishpa, caishuc chaishuc-huan cuyanacuchunmi nini.

1 TIMOTEO 2:5

Shuclla Diosmi tiyan. Dios-huan gentecunahuan alli tucuchicpish, shucllami tiyan. Paica runa tucungapac shamushca Jesucristomi.

SANTIAGO 2:19

Canca shuclla Dios tiyashcatami cringui. Shina crishpaca, allitami ruhuangui. Supaicunapish crincunami, shinallatac manchaihuanmi chucchuncuna.

SAN JUDAS 1:25

¡Paitaca sarunpish, cunanpish, huiñaipacpish sumaimana jatun cashcamanta, imatapish ruhuaipac mandac cashcamanta, ñucanchic Apunchic Jesucristomanta alli nishunchicyari! Chashna cachun.