MARCOS 12:14 - Dios Rimashcata Quillcashcami

¹⁴ Chai runacuna Jesuspacman chayashpaca: —Yachachic, canca imatapish cashcallatami yachachingui. Dios munashca shina, alli causachunmi alli yachachingui. Canca pitapish mana manchashpa, mana piman tucushpami yachachingui. Mandashcapi nishca shinaca, ¿jatun mandac Cesarman impuestota paganachu canga? Mana cashpaca, ¿manachu pagana canga? ¿Pagashunchu, manachu pagashun?— nircacuna.

Nuevo Testamento en Quichua Cañar 1996

¹⁴ Chai cachashca runacuna Jesuspacman chayashpaca: —Yachachiclla. Canca imatapish cashcallatami yachachingui. Canca Dios munashca shina alli causachunpish, alli yachachicmi cangui. Canca pitapish mana manchashpa, mana piman tucushpami yachachingui. Mandashcapi nishca shinaca, ¿jatun mandac Cesarman*f** impuestota paganaca allichu canga? Mana cashpaca, ¿manachu alli canga? ¿Pagashunchu, manachu pagashun?— nishpa tapurcacuna.

MARCOS 12:14 ပူးပေါင်းရင်းမြစ်များ

2 CRÓNICAS 18:13

Ashtahuanpish Micaiasca: —Mandac Diospac shutipimi nini: Ñucaca pai imata nishcatami huillasha— nirca. Shina nishpami, jatun mandacpacman shamurca.

2 CRÓNICAS 19:7

Mandac Diosta manchashpa causanguichic. Imata ruhuangapacpish alli yuyarichic. Ñucanchicta Mandac Diosmanca ima mana allipish, shucllaman tucunapish, ima cushcacunata pacalla japinapish mana tiyanchu» nirca.

NEHEMÍAS 9:37

Ñucanchic llactacunapi, yallita pucushca granocunapish, ñucanchic juchamantami, jatun mandaccunapac tucushca. Jatun mandaccuna cashcamantaca, ñucanchictapish, ñucanchic animalcunatapish, paicuna munashcata ruhuashpami charicun. Chaimantami ñucanchicca yalli llaquihuan causacunchic» nircacuna.

SALMOS 120:2

Mandac Dioslla, llulla shimicunamanta, quichungaraicu llullaccunamanta ñuca almataca quishpichinguiyari.

SALMOS 55:21

Paipac rimashca shimicuna mantequilla shina ñutunlla cashpapish, paipac shungupica macanacuna yuyaillami can. Aceitetapish yalli ñutunlla rimaicunata parlashpapish espadata bainamanta llucchishpa charicuc shinami can.

JEREMÍAS 42:20

Cancunallatac: “Mandac Diosta ñucanchicmanta mañagri. Mandac Dios tucui nishcataca ñucanchicman huillangui. Tucui pai nishcata ruhuashunllami” nishpaca, pandarishpa llaqui tucushcanguichic.

MIQUEAS 3:8

Ashtahuanpish ñucaca Jacobopac huahuacuna mana cazushcata, israelcuna juchallishcata huillangapacmi Mandac Diospac Espirituhuan, poderhuan cani. Paica cashcata ruhuacmi.

SAN MATEO 22:16

Chashna yuyarishpami, paicunapac yachacuccunatapish, mandac Herodespac runacunatapish tapuchun cacharca. Shina cachacpi, paicuna rishpaca: —Yachachic, canca imapish cashcallatami yachachingui. Dios munashca shina causachunmi allita yachachingui. Canca mana manchashpa, mana piman tucushpami yachachingui.

SAN MATEO 22:17

Canca, ¿imatatac ningui? ¿Roma llactata jatun mandac Cesarman impuestota paganachu canga? Mana cashpaca, ¿manachu pagana canga?— nishpa tapurca.

MARCOS 12:13

Chai quipami maijan fariseocunatapish, Herodespac maijan runacunatapish Jesusta tapushpa pandachichun cacharca.

MARCOS 12:15

Jesusca, paicuna nic tucushpalla tapushcata yachashpami: —¿Ima nishpatac ñucata pandachisha ninguichic? Shuc cullquita ricuchingapac apamuichic— nirca.

MARCOS 14:45

Judas Jesuspacman cuchuyashpaca: —¡Yachachic!— nishpami mucharca.

SAN LUCAS 20:22

¿Jatun mandac Cesarmanca impuestota paganachu, mana cashpaca mana?— nishpa tapurca.

SAN LUCAS 23:2

Paipac ñaupapica Jesustaca juchanchishpaca: —Cai runataca mandacta ama cazuchunmi gentecunata jatarichicucta japircanchic. Paica: “Ñucami Jatun Mandac Cristo cani” nishpami, impuestota jatun mandac Cesarman ama pagachun ninmi— nirca.

SAN JUAN 7:18

Quiquin munaillamanta rimacca, jatun tucunallatami munan. Shina cacpipish, Cachacta jatunyachicmi, cashcata nin. Paica jaicapi mana llullanchu.

ROMANOS 13:6

Mandaccunaca Diosta servic cashpami, chaillata ruhuashpa causancuna. Ima shuctac ruhuaita mana charinchu. Chaimanta impuestota cunami canguichic.

2 CORINTIOS 2:17

Ñucanchicca mana caishuccuna shina imata japingaraiculla Diosmanta alli huillaitaca chagrushpa huillacunchicchu, ashtahuanpish mana llullashpami Diospac ñaupapi paillatac cachashcacuna cashcamanta, Cristomantaca huillacunchic.

2 CORINTIOS 2:2

Ñuca cancunata llaquichicpica, tucui cancunami llaquilla tucunguichicman. Shina cacpica, ¿pitac ñucataca cushichingayari?

2 CORINTIOS 4:1

Chaimantami Dios llaquishpa cai ruhuanata ñucanchicman mingashcamantaca, mana saquishpa ruhuacunchiclla.

2 CORINTIOS 5:11

Apunchic Jesustaca manchana cashcata yachashpami, gentecuna Dios-huan alli tucuchun nishpa huillacunchic. Ñucanchic ima shina cashcataca Diosca allimi yachan. Chaitaca cancunapish yachachunmi munani.

2 CORINTIOS 5:16

Ñucanchicca pitapish caimanta ñaupamanca gentecuna yuyashca shinaca, ña mana yuyanchic. Ñaupaman gentecuna Cristomanta yuyashca shina yuyac cashpapish, cunanca ña mana chashna yuyanchicchu.

GÁLATAS 1:10

Chashna nishpaca gentecunalla alli nichunca mana munanichu, ashtahuanpish Dios alli nishca canatami munani. Gentecunalla ñucata alli nichun nishpaca, ña mana Cristopacta ruhuacchu caiman.

GÁLATAS 2:6

Chai pushaccunaca alli nishca cashpapish, ima mushuc yachanacunataca mana yachachircacunachu. Chaimantami paicuna utcaman catic cashcapish ñucamanca ima mana canchu. Diosca mana ñahuita ricushpallachu chasquin

DEUTERONOMIO 16:19

Cashcata ruhuanata ama saquinguichicchu. Ama ñahuita ricushpalla taripanguichicchu. Imata ruhuangapac ama imata pacalla japinguichicchu. Chai japishcami alli yachac cacpipish, ñahui mana ricucta shina ruhuan. Shinallatac cashcata ruhuactapish pandachinmi.

1 TESALONICENSES 2:4

Ashtahuanpish Diosllatacmi alli nishpa, alli huillaita huillachun ñucanchicman mingarca. Chai shina huillashpaca, mana gentecunatachu cushichishun ninchic, ashtahuanpish ñucanchic shungu imata yuyacushcata yachac Diostamari cushichishun ninchic.