MARCOS 11:25 - Dios Rimashcata Quillcashcami

²⁵ Cancuna Diosta mañacushpaca, maijanta piñachishca cashpaca perdonaichic. Chashna ruhuacpimi, jahua pachapi cac cancunapac Taitapish cancunapac juchacunata perdonanga.

Nuevo Testamento en Quichua Cañar 1996

²⁵ Chashnallatac cancuna Taita Diosman mañacushpaca, maijanta p'iñachishca cashpaca perdonaichic. Chashna ruhuacpimi, jahua pachapi cac cancunapac Taitapish cancunapac juchacunata perdonanga— nirca.

MARCOS 11:25 ပူးပေါင်းရင်းမြစ်များ

ZACARÍAS 3:1

Chai quipaca Josué Mandac Diospac angelpac ñaupapi shayacuctami ricurcani. Josuepac alli ladopica Satanasmi paita juchanchingapac shayacurca.

SAN MATEO 5:23

Chaimanta ofrendata altarpi churangapacpish maijanhuan piñanacushca cashcata chaipi yuyarishpaca,

SAN MATEO 6:12

Ima shinami ñucanchic mana allita ruhuaccunata perdonanchic, shinallatac ñucanchic juchacunatapish perdonai.

SAN MATEO 6:5

Cancuna Diosta mañashpaca, ama chai mishqui shimi jayac shungucuna shina mañaichicchu. Paicunaca gentecuna ricuchunmi, plaza esquinacunapi, tandanacuna huasicunapi shayarishpa mañancuna. Chashna ruhuashpaca, cai pachapacllami alli nishca cancuna. Chaica chashnatacmi can.

SAN LUCAS 18:11

Chai fariseo shayarishpaca: “Dioslla, ñucaca mana shuccuna shina shuhuac, millai, huainayacchu cani. Mana cai impuestota japic runa shinachu cani. Chaimantami cantaca pagui nini.

SAN LUCAS 18:13

Ashtahuanpish impuestota japic runaca carupi shayashpami, mana huichailla ricushpa, shungupi huactarishpa: “Dioslla, ñucaca juchasapami cani. Ñucata llaquiyari” nicurca.

SAN LUCAS 6:37

Ama shuccunata juzgaichichicchu. Shina mana juzgacpica, Diospish cancunata mana juzgangachu. Ama shuccunata juchanchichicchu. Shina mana juchanchicpica, Diospish cancunata mana juchanchingachu. Shuccunata perdonaichic. Chashna perdonacpica, Diospish cancunapac juchacunata perdonangami.

EFESIOS 4:32

Caishuc chaishuc-huan cuyac shunguhuan apanacushpa alli causaichic. Jesucristomanta cancunapac juchacunata Dios perdonashca shina, caishuc chaishuc perdonanacuichic.

COLOSENSES 3:13

Caishuc chaishuc-huan mana piñanacushpa, maipi mana allita ruhuacpipish perdonanacuichic. Ima shinami Apunchic Jesús cancunapac juchacunata perdonarca, chashnallatacmi cancunapish perdonanacuna canguichic.

SANTIAGO 2:13

Shuccunata mana llaquiccunataca, paicunatapish mana llaquishpami, Diosca taripashpa llaquichinga. Ashtahuanpish shuccunata llaquiccunataca, taripana punzhapica alli ningami.

APOCALIPSIS 11:4

Chai ishcai huillaccunaca cai pachata Mandac Diospac ñaupapi shayacuc ishcai olivos yuracuna, shinallatac ishcai candelerocunami can.