MARCOS 11:1 - Dios Rimashcata Quillcashcami

¹ Jerusalén puebloman chayagricushpaca, Betfagé pueblohuan, Betania pueblohuan tupanacui Olivos urcu chaquimanmi chayarca. Chaipi Jesús paipac yachacuccunapuramanta ishcaita

Nuevo Testamento en Quichua Cañar 1996

¹ Jerusalén puebloman ña chayagricushpaca, Betfagé puebloman, shinallatac Betania pueblomanmi chayagrircacuna. Chaillapitacmi Olivos urcupish carca. Chaiman chayashpami, Jesusca paipac yachacuccunapuramanta ishcaita cacharca.

MARCOS 11:1 ပူးပေါင်းရင်းမြစ်များ

2 SAMUEL 15:30

Davidca llaquillami umata quillparishpa, lluchu chaquilla huacashpa olivos yuracuna tiyac huichaita llucshirca. Shinallatac tucui paihuan caccunapish umata quillparishpa huacashpami huichai llucshirca.

ZACARÍAS 14:4

Chai punzhami Mandac Diosca Jerusalén chimbapuramanta inti llucshina ladoman cac Olivos urcu jahuapi sarunga. Chashna sarucpimi, chai urcuca inti llucshina ladomanpish, inti tigrana ladomanpish chaupiringa. Shina chaupiricpimi, chai urcu chaupica jatun pugru pamba tucunga. Chaupi urcuca jahua ladoman, caishuc chaupi urcuca ura ladomanmi saquiringa.

SAN MATEO 21:17

Jesusca paicunata chaipi saquishpami, Jerusalenmantaca Betania puebloman rishpa, chaipi pacarirca.

SAN MATEO 24:3

Olivos urcupi Jesús tiyaricpi, yachacuccuna cuchuyashpaca: —¿Ima punzhatac can huillashcaca pactangayari? Can shamunatapish, cai pacha tucurinatapish, ¿imata ricushpatac yachashunyari?— nishpa, tapurcacuna.

SAN MATEO 26:30

Himnota cantashca quipami, Olivos urcuman rircacuna.

MARCOS 11:2

cachashpaca: —Chimba uchilla llactaman rishpaca, pi manarac montashca shuc burro huatashca shayacuctami ricunguichic. Chai burrota cacharishpa apamugrichic.

MARCOS 13:3

Jesusca Diosta mañana huasi chimbapura Olivos urcupimi tiyarirca. Chaipi Jesús tiyacucpimi, Pedropish, Jacobopish, Juanpish, Andrespish Jesuspacman cuchuyashpa, paillata tapushpaca:

MARCOS 14:13

Chashna nicpimi, paipac ishcai yachacuccunata cachashpaca: —Jerusalén puebloman richic. Chaipica, yacu puñu aparishca shuc runahuanmi tupanguichic. Paita catishpa richic.

MARCOS 6:7

Jesusca paipac chunga ishcai yachacuccunata cayashpa, supaicunata llucchichun poderta cushpami, ishcai ishcaita cacharca.

SAN JUAN 8:1

Jesusca Olivos urcumanmi rirca.

HECHOS 1:12

Chai quipami, apostolcunaca Olivos urcumantaca Jerusalén puebloman cutimurca. Chai urcuca Jerusalenmanta shuc kilómetro shinapimi carca.