MARCOS 1:21 - Dios Rimashcata Quillcashcami

²¹ Chaimantaca Capernaúm puebloman chayashpami, samana punzhapi Jesusca israelcuna tandanacuna huasipi yachachi callarirca.

Nuevo Testamento en Quichua Cañar 1996

²¹ Chaimanta rishpaca, Capernaum pueblomanmi chayarcacuna. Chaipi cashpami, samana punzhapi*f** Jesusca israelcuna*f** tandanacuna huasiman yaicushpa yachachirca.

MARCOS 1:21 ပူးပေါင်းရင်းမြစ်များ

SAN MATEO 4:13

Shina cashpapish Nazaret pueblopica ña mana causagrircachu, ashtahuanpish Galilea jatun cucha patapi cac Capernaúm pueblopimi causagrirca. Chai puebloca ñaupa taita Zabulonpac, Neftalipac causana llactapimi carca.

SAN MATEO 4:23

Jesusca tucui Galilea llacta israelcuna tandanacuna huasipimi yachachishpa puricurca. Dios mandanamanta alli huillaita huillashpami, tucuilaya ungüihuan, nanaihuan cac gentecunatapish alliyachishpa puricurca.

MARCOS 1:20

Jesús paicunatapish cayarca. Chaimantami paicunapac taita Zebedeotapish caishuc challuata japic runacunatapish canoapi saquishpa, Jesusta catishpa rircacuna.

MARCOS 1:29

Jesús tandanacuna huasimanta llucshishpaca, Jacobohuan, Juanhuanmi Simonpac, Andrespac huasiman rirca.

MARCOS 1:33

Tucui pueblocunamantami Jesús tiyacuc huasi punguman tandanacumurca.

MARCOS 1:39

Jesusca tucui Galilea llacta israelcuna tandanacuna huasicunapimi huillarca. Runacunamantapish supaicunata llucchishpa cacharcami.

MARCOS 10:1

Jesusca Capernaúm pueblomanta llucshishpaca, Jordán yacuta pasashpa, Judea llactamanmi rirca. Jesusca achca gentecuna tandanacumucpimi, pai yachachic cashca shinallatac cutin yachachi callarirca.

MARCOS 2:1

Asha punzhacuna quipami, Jesusca cutinllatac Capernaúm puebloman yaicushpa, shuc huasipi carca. Chaipi cacta yachashpami,

MARCOS 3:1

Jesusca cutinllatacmi israelcuna tandanacuna huasiman yaicurca. Chaipimi shuc maqui chaquishca runa tiyacurca.

MARCOS 6:2

Jesusca samana punzha chayamucpimi, israelcuna tandanacuna huasipi yachachi callarirca. Pai yachachishcata uyaccuna mancharishpa, caishuc chaishuc tapunacushpaca: —¿Maipitac cai runaca caita yachacurcayari? ¿Ima shinatac caita yachacurca? ¿Pitac milagrocunata ruhuanata yachachirca?

SAN LUCAS 10:15

Capernaúm pueblopi causac, cancunaca jahua pachamantami yuyacunguichic, ashtahuanpish ucu pachamanmi shitashca canguichic» nirca.

SAN LUCAS 13:10

Jesusca samana punzhapimi israelcuna tandanacuna huasipi yachachicurca.

SAN LUCAS 4:16

Jesusca pai huiñashca Nazaret pueblomanmi rirca. Chaipimi utcaman ric cashca shinallatac samana punzhapi israelcuna tandanacuna huasiman yaicurca. Chaipimi Dios quillcachishcata rezangapac shayarirca.

SAN LUCAS 4:23

Chashna nicucpimi Jesusca: —Maijancunaca: “Jambic runa, canllatac jambiri. Capernaúm pueblopi tucui ruhuashcacunatami uyarcanchic. Cai, can huiñashca llactapipish chashnallatac ruhuaiyari” nicunguichicmi— nirca.

HECHOS 17:2

Pabloca maipipish tandanacuna huasiman yaicuclla cashpami, chaiman yaicurca. Chashnami quimsa semanata, samana punzhacunapi tandanacushca gentecuna tapushcata cutichishpa, rimanacushpa purirca.

HECHOS 18:4

Pabloca samana punzhacunapica tandanacuna huasiman rishpami, israelcunapish, mana israelcunapish crichun, yachachic carca.