MARCOS 1:19 - Dios Rimashcata Quillcashcami

¹⁹ Chaimanta ashtahuan chainicman rishpaca, Zebedeopac churicunatami Jacobotapish, Juantapish ricurca. Paicuna canoapi linchicuna lliquirishcata siracucpimi,

Nuevo Testamento en Quichua Cañar 1996

¹⁹ Jesusca chaimanta ashtahuan chainicman rishpaca, Zebedeopac churicunatami Jacobotapish, Juantapish ricurca. Paicunaca canoapimi pescadota japina linchicuna lliquirishcata siracurcacuna.

MARCOS 1:19 ပူးပေါင်းရင်းမြစ်များ

SAN MATEO 4:21

Jesús chaimanta rishpaca, Zebedeopac churi huauquindipura Jacobota, Juantami ricurca. Paicunaca challuata japina linchicunata taita Zebedeohuan siracurca. Jesusca paicunatapish cayarcami.

MARCOS 1:18

Paicunaca linchicunata saquishpa, Jesus-huan rircallami.

MARCOS 1:20

Jesús paicunatapish cayarca. Chaimantami paicunapac taita Zebedeotapish caishuc challuata japic runacunatapish canoapi saquishpa, Jesusta catishpa rircacuna.

MARCOS 10:35

Zebedeopac churicuna Jacobopish, Juanpish Jesuspacman cuchuyashpaca: —Yachachic, ñucanchic mañashcata uyachunmi munanchic— nirca.

MARCOS 14:33

Pedrota, Jacobota, Juanta pushashpa rirca. Shina rishpami, Jesusca shungupi yallita llaquiri callarirca.

MARCOS 3:17

Zebedeopac churicuna Jacobopish, Juanpishmi carca. Paicunataca “Boanergesta” shutichirca. Chaica: “Rayo shina sinchi” nisha ninmi.

MARCOS 5:37

Jesusca caishuc gentecunata chaillapi saquishpa, Pedrota, Jacobota, Jacobopac huauqui Juanllata pushashpami,

MARCOS 9:2

Sucta punzha quipami, Jesusca Pedrotapish, Jacobotapish, Juantapish pushashpa, alto urcupi paicunalla cangapac rirca. Chaipimi paicunapac ñaupapi Jesusca shuctaclaya tucurca.

SAN JUAN 21:2

Chaipica Simón Pedropish, ishcaipura huacharishca Tomaspish, Galileapi tiyac Caná pueblomanta Natanaelpish, Zebedeopac churicunapish, shinallatac Jesuspac yachacuccunapuramanta caishuc ishcai yachacuccunapishmi carca.

HECHOS 1:13

Jerusalenman chayashpaca, paicuna pozacushca huasi altomanmi huichicurca. Chaipimi Pedropish, Jacobopish, Juanpish, Andrespish, Felipepish, Tomaspish, Bartolomepish, Mateopish, Alfeopac churi Jacobopish, Celote nishca Simonpish, Jacobopac huauqui Judaspish carca.

HECHOS 12:2

Chashnami Juanpac huauqui Jacobota espadahuan huañuchichun mandarca.