MARCOS 1:13 - Dios Rimashcata Quillcashcami

¹³ Jesusca chuscu chunga punzhatami shitashca pambapi carca. Chaipimi Satanaspish pandachisha nirca. Sacha animalcunapish tiyarcami. Chaipica angelcunami Jesustaca servicurca.

Nuevo Testamento en Quichua Cañar 1996

¹³ Chai sacha animalcunalla tiyac shitashca pambapi Jesús chuscu chunga punzhacunata cacpimi, Satanasca*f** caita chaita ruhuai nishpa, pandachisha nirca. Chaipica angelcunami Jesustaca servingapac shamurcacuna.

MARCOS 1:13 ပူးပေါင်းရင်းမြစ်များ

ÉXODO 24:18

Moisés puyu ucuman yacushpa, urcu jahuaman huichai rishpaca, chuscu chunga punzhata shinallatac chuscu chunga tutatami chaipi carca.

ÉXODO 34:28

Moisesca mana micushpa, mana yacuta ubiashpami, chaipica chuscu chunga punzhata, chuscu chunga tutata Mandac Dios-huanca carca. Chaipimi Moisesca tabla rumicunapi ari nishca chunga mandashcacunata quillcarca.

SAN MATEO 26:53

Ñuca Taitaman huaranga huaranga angelcunata ñucata cuidachun mañacpica, cunanllatacmi cachanman. Chaitaca, ¿manachu yachangui?

SAN MATEO 4:1

Chai quipaca, Diospac Espiritumi Jesustaca diablo shitashca pambaman pusharca. Chaipimi diabloca pandachisha nirca.

SAN LUCAS 4:1

Jesusca Jordán yacumantaca Diospac Espíritu jundami cutirca. Diospac Espiritumi shitashca pambaman pusharca.

DEUTERONOMIO 9:11

Chuscu chunga punzha, chuscu chunga tuta tucucpica, Mandac Diosca cancunahuan ari nishcata quillcashca ishcai tabla rumita curcami.

DEUTERONOMIO 9:18

Chai quipaca cancuna Mandac Diosta piñachingacaman paipac ñaupapi mana allita ruhuashpa, juchallishcanmantami utcapi shina, chuscu chunga punzhata, chuscu chunga tutata mana micushpa, mana yacuta ubiashpa, Mandac Diospac ñaupapi cumurircani.

DEUTERONOMIO 9:25

Mandac Dios cancunata tucuchisha nicpimi, chuscu chunga punzha, chuscu chunga tutata Mandac Diospac ñaupapi cumurircani.

1 TIMOTEO 3:16

Ñucanchic crishcaca, tucuimanta yalli jatunmi can: Diosca aichayuc tucushpami ricurirca. Paipac Espiritupica tucuitami misharca. Paitaca angelcunami ricurca. Mana israelcunamanpish huillashcami carca. Cai pachapipish crircacunami. Jahua pachapipish alli nishpami chasquishca carca.

HEBREOS 4:15

Ñucanchic mana catinata pudicucpi, llaquishpa ayudac jatun mandac curatami charinchic. Paipish ñucanchic shinallatacmi llaquita aparca. Shina cashpapish jaicapi mana juchallircachu.